繼續Leanne唔想返學....

星期二

佢又係起身後唔肯換衫返學.....又大叫大喊......點氹佢都無用
今日我唔可以又唔返工, 所以我都換好晒衫.........準備走時佢又係叫我唔好走....佢本來話要大便....我叫左佢去厠所, 佢都準備痾時, 我話我要返工LA

佢又好激動, 即刻走落黎....想捉住我....

我話唔得LA, 媽咪要返工, 走LA BYEBYE

佢就不停喊.....奶奶同老公呀姨都幫手睇住佢


但之後佢地不停打電話黎, 話LEanne 唔肯換衫點算呀...又話佢連褲都唔肯著坐左係到, 只係不停喊, 我聽到佢喊到喘晒氣咁.....真係好慘
但都無計, 都要叫佢地再試下幫佢換衫返學

之後又打黎又係不斷喊....結果過左校車時間..........

我同老公都不停打返屋企想叫囡囡返學.....但後來LEanne 又忽然肯換衫肯返學., 奶奶佢地就佢搭小巴返學
不過...奶奶話, LEanne 全程係一粒聲都無出過............

不過放學坐校車返屋企時, 奶奶話LEanne 好開心WOR~仲自己食麵, 又多野講, 心情非常好

下午同佢班主任問返LEanne 上堂情況, 老師就話佢開頭有眼濕濕, 但好快無事
老師估之前佢地中秋節攞左佢包動物餅, 咁佢地今日茶點就請小朋友食茶點, 順便教下Leanne 要請人食野咁
仲有一點, 老師提到, 佢地上堂模式開始轉左做俾小朋友多D參與
好似叫佢地自己攞返自己既物品, LEanne 好著緊自己既野, 一有其他小朋友掂(人地只係幫佢攞, 或者攞開佢個本, 攞自己個本) 佢都好緊張大叫: 「俾返我！」
老師都叫佢唔好咁緊張, 人地幫你攞, 唔係攞左你, 會俾返你架MA

老師就話佢估計呢方面都影響到LEanne 有D唔習慣.......其實我覺得都可能有影響, 佢可能未適應

唯有大家俾多D時間佢LA, 老師話會留意LEanne 情況, 星期五再打俾我講返

呢到都要讚下佢老師, 其實跟進得幾好....又主動提出問題同解決方法, 又會同我講返~呢點都做得唔錯~

當晚Leanne 因為下午無瞓晏覺, 夜晚未夠7點就瞓著左LA......我都未返到屋企....仲想同佢傾下偈tim....