煩.....Leanne唔肯返學...

呢個星期

Leanne 每朝都嘈住話唔返學,,,,,又喊又叫
唔肯換衫...

對於佢呢個突然既轉變, 我地都真係覺得好奇怪

明明之前佢好鐘意返學

每朝起身就換校服

落樓下揾爺爺嫲嫲食早餐.......玩一陣, 送姐姐返學, 返黎又同哥哥玩一陣, 先上校車

每朝都好開心的

其實佢上星期都有叫過話唔想返學, 又唔換定衫先
同都無喊

今個星期開始, 就又喊又叫, 好激動咁

先講星期一......

星期一, 一叫佢衫返學, 佢就開始喊
我換衫返工, 佢又叫我唔好返工

最後我無返工, 個日氹左佢好耐, 校車時間都過左
我話我渣車送佢返學, 佢先肯換衫, 但都係喊住換

跟住我送左佢去學校, 順便問埋老師有無咩特別事發生?!

老師就話, 原來上星期Leanne 有2日係學校試過上上下堂無端端喊...
老師問佢咩事? 係咪想要呢様個様, 佢都話唔係.............跟住又好快唔喊LA


老師就話, , 佢其他方面都無咩特別野, 同同學間又無衝突, , ,

只係, 之前中秋節開大食會

Leanne 自己帶左D 餅同糖返學校

咁老師以為佢帶返黎俾大家食

就張佢D食物分俾其他小朋友

老師話, 當時Leanne 好大聲話: 「我架！俾返我呀！」

老師就同佢講要同人share 大家一齊食

Leanne 好似都唔多想

老師分食物時Leanne 又不停食返自己D野食

老師話, 會唔會因為呢件事, 佢擺左上心呢>?

因為佢上堂無端端喊, 都係中節假期後先出現.............我諗.....唔, 都有D可能.........又或者加上假期玩到唔想返學?!

老師話會幫手留意Leanne 情況

當日接佢放學時, 佢心情都OK

老師話佢表現都OK , 上堂時都無喊..............老師又俾返左上次食淨既糖佢.....佢心情都好似好D, 咁老師問佢, 聽日要返學WOR
LEanne 又無答, 老師再問, 佢先話好

不過一返到屋企, 我再問佢, 佢又話唔返.................................................