中秋節~

今日中秋節LA~~

今日要負責煮餸....

所以一大早, 食完早餐.....同Leanne 去完公園玩

我就去左買餸....

今日咩都貴.....但蟹又OK LA, $200 買左4隻...
大頭蝦就好貴, $88斤
買左$130

仲買左條魚.....其實唔想食斑.....但檔檔都賣斑LOR!!!!!

是但買左條就走人~



今晚整左蘿蔔炆牛肋條~呢個好好味呀, 全部都入晒味
蘿蔔煮左廿分鐘, 再焗半個鐘
就淋晒同入晒味~好正呢~~~
但唔記得影相
奶奶佢地都好LIKE~

有機會會encore~

薑蔥蟹
其實可以唔走油...
但我懶醒, 半煎炸佢當走油
但我又覺得, 就咁煮應該仲好味D

呢個唔難整, 炒香D薑, 落蟹, 炒一陣, 贊酒...
炒多陣, 落蠔油,鼓油,水,糖,炒混......加蔥加蓋, 煮至蟹熟就得LA~
多膏可以加隻蛋tim~
煮好D蔥好好味架~正

鼓油大頭蝦, 媽咪教, 鼓油加冰糖, 煮滾落蝦, 煮至蝦熟, 略略收返乾個汁, 咁就搞掂~~正

呢個水蛋蒸蟹, 本來諗煮整俾小朋友食, 點知佢地鐘意薑蔥蟹多D, , , , , , Leanne 堂家姐一個人食左成隻蟹tim ar!!! 好誇張....

蒸好既水蛋, 吸晒蟹既鮮味, 我覺得好好味AR~

蒸魚.....9分鐘......之後用蒸魚既汁, 加鼓油, 少少糖,少少油 煮滾
淋返落條魚到
唔錯的~

仲有奶奶煲既雞湯同雞, 好飽~~

之後同小朋友出出面玩燈籠
仲玩狐狸小姐幾多點tim..................................N年無玩過LA~~

小朋友就最開心LA~

過左個開心愉快既中秋~~~yeah~