市鎮公園

1月19日

星期六
今日係屋企食早餐
就係煎蘿蔔糕同年糕LA~hahahahaaa
食飽就出街去公園玩

因為玩開既公園開始維修, 都唔知幾時先整好....不過我見都有小朋友入去圍住既地方到玩LOR
anyway, 我地就去左市鎮公園玩LA

好搞笑.....泊好車....一路行....見到有3 pairs 人結婚......佢地都去市鎮公園影下相...連埋D姊妹兄弟咁....所以草地個邊好多人

當日天氣唔錯

其實天氣好, 去市鎮公園行下都好唔錯架
何況呢到仲有遊玩設施俾小朋友玩呢~

唔多人.....老公仲陪Leanne sir 滑梯~haha
Leanne : 我地一齊sir ar

佢好鐘意用頭sir 落去.......~.~

行過噴水池.....LEanne 話要睇下wor

又要坐下..

之後又執下樹葉....(佢成日見到樹葉就想執..)

呢張相好搞笑...Leanne 坐得好型咁....數...樹葉~hahahahahha

玩左咁耐, , , Leanne 都好攰....又扭抱
就去食lunch lu~

天氣好, 行下公園, 睇下花草樹木, 人都開心放鬆D~

 

賀年糕點 ~ 蘿蔔糕 & 薑汁年糕

仲有2個星期左右就到新年LA~

今年我都學人整糕.....原來唔難整...

((((真係學識自己整, 一定好味過出面買.....仲要平好多LOR! 蘿蔔糕我計過.....整一個7吋都唔洗$40 , 真係好抵lor!!!)))))

其實奶奶同媽咪都會整
佢地2個都整得好好味

奶奶仲每年整好多送俾人

不過我無問佢地攞食譜

反而上網睇人地點整之後, 再跟住去整

試過唔同方法

有人會開左粉槳先, 亦有人係張粉直接落去蘿蔔到

2種分別唔大

所以我都係最後先落粉


呢個蘿蔔糕味淡, 配甜豉油食就岩岩好~ 蒸好就食~非常好味~ (我鐘意蒸多過煎)

老公就比較鐘意煎香既蘿蔔糕la~

食譜跟呀蘇~

蘿蔔糕 (阿蘇家姐提供)

材料：
大蘿蔔七斤、粘米粉一包(減一碗)
、澄麵一碗、香菇、臘腸八至十條、乾貝十至十二顆、蔥粒

調味料︰
蠔油三分之一瓶、鹽四茶匙、古月粉大量

做法:
1.
把蘿蔔磨成絲，蘿蔔滲出的水留著備用
2. 乾貝泡水後在表面加水蒸約二十分鐘，撕成絲，留下乾貝水備用
3.
把蘿蔔絲下鍋煮，熄火後下鹽、蠔油及三湯匙乾貝水
4. 炒香臘腸粒及香菇粒，再連同蔥粒一起加進蘿蔔絲裡拌勻，下古月粉調味
5.
拌勻粘米粉和澄麵，隔著篩子慢慢加進蘿蔔絲裡拌勻
6. 把所有材料倒進已掃油的糕盤裡，蒸約四十分鐘，最後加上芝麻、紅棗、蔥花點綴



薑汁年糕~

第一次食有薑汁味既年糕~都好OK
但係, 要襯熱食
蒸好或煎好就要快D食LA
凍左薑汁就唔香~




食譜

材料（2個3.5吋x7吋的長方模）
糯米粉	300 克
片糖	300 克
薑汁	適量
清水	490克
澄麵	75克

製作
1.	將片糖加水煮溶待凍，待凍後加入薑汁
2.	加入糯米粉和澄麵（粉要篩過），用筷子攪勻,用隔 隔 2 次，粉會滑一點。直至挑起粉槳即瀉下為合。
3.	倒入已塗油之糕盆內，隔水蒸約 50-60 mins。

面試結果

上星期六面試既幼稚園, 今日出左結果啦..

上網睇晒上、下午班同後備list
都無呀囡呢~

其實佢地收生準則係咩呢?! 係咪真係只睇學生表現?!

雖然我覺得呀囡in 得唔錯, 佢又係大女, 讀緊N班....但都唔收. 咁都無計啦~

黎緊仲有一間幼稚園2月先知結果
不過呢間都預左唔得架LA

有朋友係入面做, 佢都一早講左上午班無咩可能 (因為已經內定晒)
下午班或者可以試下

所以都係抱住試下心態.............

咁即係, IN 左3間, 3間都唔收呀囡~~~ @.@

好彩有讀N班ja, 如果唔係, 可能連宜家讀緊呢間都報唔到呀!!!

考幼稚園真係比想像中難WOR. ....

幼稚園面試

上星期六, 同Leanne 去左某間幼稚園面試
報呢間學校原因係佢校舍大
同埋係基督敎學校

其實講真, 宜家LEanne 讀緊呢間幼稚園都OK (Leanne 係另一間幼稚園讀緊學前班)
都交左留位費
區內黎講, 呢間都算OK

不過校舍就唔夠大....無室外遊樂場, 課室都較細

我覺得小朋友多點地方走動, 好似會比較開心

所以都幫佢報多2間試下

當然, 收佢先有得諗轉唔轉LA...HAHA

講返面試

早上10點鐘, 去到已經有人排緊隊
等左一陣已經可以入去

每個小朋友只可一位家長陪同。入到去, 報到之後.....入左間課室等

佢係4個人一排咁坐, 面試亦係4個人一組

好LA~去面試

4個小朋友坐埋一齊, 家長就坐後面睇

一組2個老師
先攞住佢地張面試證, 問佢地叫咩名
呀囡個張最底.......未到佢, 佢已經話: "我個張係最底" HAHA

之後就一個老師對2個學生, 叫佢地砌積木, 攞張圖問佢地見到有咩
又問下呢樣係咩黎, 隻狗係邊之類....
跟住又攞塊puzzle 板, 叫2位小朋友一齊砌
最後叫佢地指自己個嘴, 鼻, 眼

都比較簡單

今次LEanne 表演都OK
可能因為係group interview, 有其他小朋友一齊, 好似佢平时上堂咁
所以佢其實in 得幾開心

最後派禮物袋....但Leanne 無講多謝就衝過黎揾我.........=.=
我唯有叫佢要多謝老師WOR
佢先大聲同返老師講多謝同byebye.....=.=

不過整體黎講, 我都好滿意佢既表現
收唔收都唔緊要LA~HAHAHA

同埋呢間無問家長問題, 我覺得非常好!!!!!!!!!!!!!! keke

結果就下星期先知~

Leanne 靚相

平時同呀囡影埋唔少相
電話尤其多啦
太方便~~~

某日同佢自拍.....之後張佢既相整合
我叫呢張相做港童自拍7式~~WAHAHAHHAHA

呢張就張佢3年生日既相整埋一齊~~~~~~
以前人地話, 望住小朋友大, 就覺得時間過得好快....
我都終於有呢個感覺.......咁就3年LA...

過得好開心~

呢張笑得好sweet
好似賣緊紙巾廣告呢~ hahahahha
Leanne 話: 我好鐘意包紙巾呀~~~

至愛心太軟

尋日下午出街買左個cheese brownie 返屋企食....
我仲配雪糕tim....(不過唔太夾....因為個cake 本身都係凍HAHAHAHHAA)

個Cake 係美心買....都OK LA....

夜晚老公去左飲.....呀囡瞓左...無野做....又整心太軟~

焗完覺得太大個..........................=.=

食完飽到呢....

一路食一路睇勁歌頒獎禮

都無咩好睇架LA, 係睇下D歌星個妝同著咩衫
HAHA

其實D人成日話TVB 頒俾自己友
乜好奇咩?!
商台夠係LA
佢地DJ 既歌夠會攞奬LA, 你有無見佢地係其他台攞奬呀?!

所以成日話商台好公正.....一D都唔覺lor

好講完~




心太軟食譜

材料:

• 黑朱古力（沒甜味的） 100克


• 無鹽牛油（無鹽奶油，切丁粒） 100克（另加少許塗焗杯）


• 雞蛋
  2隻
  


• 幼砂糖
  60克
  


• 中筋粉（all-purpose
  flour/plain flour）
  20克
  


• 可可粉
  適量
  


• 糖霜
  少許
  

 

做法:

1. 預熱焗爐至
   180C/356F.


2. 用牛油塗抹焗杯底部及周圍。均勻地灑少許可可粉。焗杯底鋪上烘培紙（方便脫模之用）。


3. 用一大盤，放入朱古力和牛油。盤放在一鍋熱水上面，用小火隔水蒸盤底，時不時搞拌，直至朱古力和牛油溶解。離火，稍放涼，待用。


4. 置雞蛋和糖在一乾淨盤中，用電動搞拌器，搞打至顏色發白及體積蓬鬆。


5. 把朱古力混合物倒進雞蛋混合物中，用膠刮拌勻。


6. 篩入麵粉，輕手地徹底拌勻。把混合物分別倒進焗杯中。放入已預熱的焗爐中，焗約 9分鐘。蛋糕的周邊焗熟凝固，中間仍是軟的。可插一枝針，有朱古力漿黏著，便可。或輕搖焗杯，中間應可些微搖晃。拿出焗爐，放在鐵架上，待 2至 3分鐘。用利刀沿杯邊割一圈。用一隻碟覆蓋在上面，然後一下就翻轉脫模。配上新鮮草莓和鮮忌廉，灑少許糖霜，即成。

(我覺得可以做4人份....唔好咁大....心太軟都係小小多滋味~~HAHA)

海豚廣場

上星期日

百無聊籟......就去屯門黃金海岸走走
記得呢到有個海豚廣場 (呢個唔係佢真名....只係個到有個好大金色既海豚像...所以我咁叫佢ja)

但未去過....成日以為佢係黃金海岸酒店再向前行就係...

原來唔係....係0係沙灘個邊, 係行人路一路直行到尾就係LA

個到咩都無架, 得個海豚金像
但沿途有D健身設施.....同埋係海邊
天氣好既時候, 幾好行架~so relaxing~

沙灘個邊個公園仔...

之後開始行LA..

就係呢D健身設施, 佢已經玩得好開心~

望住個海都幾舒服~

行到LA..坐下先..

呢個puzzle 唔係幾玩到...已經推唔郁......

行完我地又行返遊艇會個邊食lunch

之後呀囡又想返沙灘個公園玩
咁我地又行返過去
玩左陣.....Leanne 其實好眼瞓....我地就叫佢走

當日足足係個到玩左4個鐘!!! 真係誇張~

棉花糖焗蕃薯

棉花糖焗蕃薯

係0係大少奶個blog 到見到
真係非常有趣, 又易整, 於是又跟下LA~

結果係~~~~~真係幾好味 (如果你本身都鐘意食燒棉花糖, 呢個絶對一様效果~)

但蕃薯有D濟......最好整細份D HAHAHAHA

同埋....大棉花糖整先好味
細味花糖no good`~


第一晚整左2人份.....(其實都太大....好飽~~~)

第2日再整, 2個細....手指係呀囡....但佢無份食, 因為佢咳緊....但佢借D意話要摸下, 然後high 左D去偷食....hehe

睇相都好有趣...~~~~

蕃薯整熟整蓉鋪底
上面放棉花糖
焗爐預熱200度
入爐, 焗至棉花糖金黃就得LA~

Leanne 生日BBQ~~

之前2年都係搞大食會

今年想搞BBQ (其實自己好想燒~HAHAHAHHA)


本來好多親戚都黎唔到, 去左旅行或者唔得閒...
以為唔多人黎, 結果又俾想像多~~~


未燒住....影下相先~~~~

Sirius黎到.......佢唔鐘意踩單車, 只鐘意推車HAHAHAHA

Leanne 同老公同祈祈玩紅綠燈~紅燈要等車~

借人地既仔女黎扮下一家五口先~~HAHAHA

大合照~~~~

小朋友最愛既蛋糕~

食得好滋味~~~

同呀嫲影相~~~~呀嫲之前有小小中風, 好彩宜家已經好好多.......佢好有心黎同佢個"室" 慶生~ we love u grandma~

奶奶話Leanne 同佢講....今日玩得好開心呀~~~~~~~~~~~

你開心我地都好開心呀~~~~

Happy Birthday my sweetie~~~~ 希望你身體健康, 開開心心就夠LA~

整左D 3歲cookies 請大家食~~~~

Thanks everyone for coming~~~~~~~~~~

Leanne 3歲喇~~

 

1月1 日

今日Leanne 3歲喇~~~

咁就3年.........仲記得3年前既除夕....我入左醫院.....當時只係見紅...好少...無痛.....但預產期本來都係1月1
安全起見, 都係入院~

朝早見紅, 我等到下午老公返黎先去醫院

個晚都係我地結婚後第一次分開既夜晚....WAHAHHAHAAH

仲要係除夕~

夜晚我都無咩....係零晨先開始痛....到朝早就已經好痛.....我記得10點入產房.....2點幾就生左....
老公有入黎陪產...............我當時聞笑氣聞到好high
D姑娘話同老公講話我好癲~
HAHAHAHAAHAH

因為我不停以為自己已經生左..........仲以為聯緊針 (但其實未..)...HAHAHA

就咁様....囡囡就黎左我地屋企3年LA~
好感恩, 佢身體健康..........我亦無係生產過程有咩意外....(已經好感恩)

呢3年.....過得好快

囡囡既出現.....其實真係影響晒我地生活節奏同規律

雖然有預計過係咁....但現實同想像始終有D分別....


有得就必有失~

多左個囡屋企係熱鬧D開心D, 咁先似一個家
但就失去好多自己既時間

值唔值得? 睇你點睇LA
我同老公到宜家都係50 50.....都會覺得唔生又OK, 生又有其得著...咁LA

今年同以往一様....幫囡囡係屋企開左個生日會~請左親戚黎聚下~

今次係BBQ~

SO HAPPY

下篇再講~

大棠睇紅葉

12月30日

今日上左大棠睇紅葉~

其實聖誕個段時間已經想去.....但天氣麻麻...所以無去到..

又本來想尋日去...但落雨....都幾大下...

結果就等到30號先去LA~

今日好凍.....新界得7,8度ja !!!!

但天氣就好好, 有太陽...


我地食完早餐去埋公園玩....差唔多中午時間~

太陽猛烈.....即時暖好多~~~

上到山都唔太凍~


今日好多人呢!!! 大旅遊巴都幾架....仲要不停有人行入去....真係多人到呢~~~....同埋好多狗呀~ 好多人帶埋狗去行

因為呢到一條大直路.....係幾好行既~

Leanne 都好叻.....可以自己行....間中騎膞馬~

so happy lei~

影出黎都幾靚Ar~

影出黎好似靚過現場睇~HAHA

呢張係Leanne 幫我影架~唔錯LA~

睇完就沿路行返出黎~

今年紅葉好似比較稀疏
同遊人就多左好多~~~~~~

去完郊外~人都開心D~ : )