Leanne 唔想返學有少少改善

今日星期三

Leanne 6點就起左身LA!!! (因為尋晚7點未夠就瞓左...) 佢起身後仲自己開門走左出去.........我即刻跟埋出去
佢攞住枕頭, 坐左係sofa.....我叫佢瞓多陣佢都唔肯.....咁我就陪佢坐左係Sofa....佢見到ipad, 就攞左黎玩................=.=


我有問佢返唔返學, 佢又話唔返
不過我留意到佢無尋日反應咁大

之後叫佢換衫, 佢都係唔肯.....到我要換衫返工, 佢又開始痴住我, 我去厠所都跟埋入黎

又叫我唔好換衫唔好刷牙洗面~~~

我要返工就緊係無理佢, 之後叫佢落去食早餐佢又係唔肯, 佢Daddy 落去佢都唔跟住落.....
繼續痴住我....我化妝佢又坐係床到睇住我

之後奶奶上黎叫LEanne 換校服, 佢又開始喊....又話唔返學........連姐姐上黎叫佢, 佢都叫姐姐走...伯娘叫佢, 佢又叫人走..........
到我真係要走LA, 佢又開始大喊叫我唔好返工, 又不停叫：「媽咪！媽咪！」...奈何我都係要走
之後奶奶又打黎話Leanne 唔肯換衫呀, 又係到喊呀咁

我本來都打左叫校車司機唔洗等Leanne........但跟住奶奶佢地又話帶左佢過馬路LA....咁我又叫返司機接佢
 
即係今日又比尋日進步! 起碼係搭校車前佢就肯換衫返學!!

其實我都有D懷疑LEanne 係咪太掛住我? 驚唔見左我, 所以咁扭計呢?! 即係唔關返學事, 係同我分離個刻先咁扭計?!
都唔知係唔係....因為我一直都要返工, 佢都未試過咁既.....近排又好似無咩特別野發生過ja...............到底Leanne 因為咩而咁様呢?!
問佢佢又話無野, 或者唔講我知...

我都好難揾原因..............不過
如果佢一路有好轉.....................咁揾唔到原因都無所謂, 最緊要唔好再日日朝早黎喊同扭計就OK LA........

希望聽日又好D LA~