Leanne 愛自己揀衫著

尋晚返到屋企見到Leanne 個造型....有D驚喜...wakakkaak

其實佢平時都係自己揀衫著....

成日係屋企但著出街衫.......話等我返黎帶佢出街......=.= (佢有時會打俾老公, 然後係電話不停大叫:我要出街我要出街!~~=.=)

奶奶都無佢辦法

一日換幾套衫......

之前老公呀嫂得閒, 都會間唔中帶Leanne 出街, 應該就係咁, 出街出上癮.....成日都想去街


呢個就係佢尋晚既造型............
我一開門, 就見佢咁様坐左係到睇電視.....佢話睇緊"波波糖" , 唔知咩黎....
佢坐得好有型LOR. 好man



佢對boots, 星期日先買.....尋日就攞黎著...
老公話Leanne 仲打電話俾佢, 問佢對Boots 擺左係邊..............

有時真係頂佢唔順...........

仲有仲有, , , , 奶奶話, 今日係學校, 老師幫Leanne 紮左"邊", Leanne 返到屋企都唔俾人拆......結果沖涼時無洗頭!!!!
我問Leanne , 聽日我幫你紮邊la, 廢事老師又覺得你個頭好亂.........點知佢話唔好........
小朋友真係好like 老師為佢地做既小小事LOR..........又唔諗下媽咪平時為你做幾多....哼! hahahahaha

其實前日佢個look 仲爆笑...

我俾佢嚇親, 成個傻婆咁...
綠色衫, 黃色裙, 粉紅色波鞋.........................可惜無影相

或者later 可以幫佢整個每日一look

擺上黎俾大家睇下~wahahhahaha