囡囡第一日坐校車

到今日為止, 囡囡已經坐左一星期校車!

講返第一日坐校車先

9月3號係囡囡第一日坐校車
為左隆重其事
我當日請左一日假
因為我都想睇下咩環境, 同埋佢會唔會喊

hahaha

之前都同佢講過好多次9月就會坐校車
佢其實都知咩叫坐校車, 因為屋企既堂家姐and 堂哥都係坐校車返學既
而囡囡上年已經成日係門口同伯娘一齊送姐姐返學

所以, 佢都知咩車係校巴同埋校巴係自己坐

不過知還知, 始於未坐過又咁細個, 又點會知係咩一回事?!

之前同佢講要坐校車, 佢都係話唔坐
所以我一直都覺得佢第一次坐時會喊..

返左3星期學, 佢已經好鐘意返學
上車前係屋企影下相....

心情都好好~

上落車都係對面馬路.....但都係屋企門口, 都係好方便, 只係朝早比較多車, 過馬路要小心D

開始有D緊張.....

第一日校車遲左少少......曬左陣先到....結果姨姨一手抱左呀囡上車, 呀囡呆呆咁坐低左, 車就開走LA
就咁睇, 佢就無喊既...


到接放學..........佢都無喊, 仲笑笑口
姨姨話佢OK

我問囡囡有無喊, 佢都話無~

我地都讚佢叻~~~

之後同佢沖涼.....食午飯...

我仲煲左冬瓜粒粒粟米湯, , 好好味!!!! 見到都想再飲~~~~