返N班第二、三、四日

今日係8月10號
呀囡第2日返N班
佢學校1,3,5都係著運動裝

呀囡一直都比較鐘意套運動衫
今日知道有得著
顯得好開心
仲影相tim

不過跟住返到學校....一入課室佢就開始喊LA!!!!

又不停捉住我

捉得比尋日緊呀!!!!

我多次想走都唔得, 佢跟住同捉住我.....老師想抱佢, 佢唔俾人掂, 不停掙扎

最後....有個主任夾硬扯走呀囡......呀囡當然狂喊...........我見到呢個場面都內心抽左下
又真係好可憐咁.......................T.T
不過都無計LA......我都要走...................


同老公食完早餐, , , , 買D野, 又夠鐘去接放學....

今日呀囡出黎時, 無喊喎.......見到我都無爆喊~~!!!!!

老師話, 今日呀囡好叻, 喊左15 mins

佢地同佢睇樓下既街市.....講下其他野....佢就無喊LA

今日玩sir 滑梯, 渣車, 呀囡有渣車, 但唔多玩slide...

但有食餅有飲水, 仲肯去厠所
(尋日唔肯去....老師每日都帶佢地去厠所.....學校9月會正式幫佢戒...我地就早幾日開始幫佢認真戒片, , ,, 都唔錯, 佢其實識痾,
 但一直唔肯做, 今次呃佢話無晒學習褲, 我地無買到, 佢先肯唔著ja!!~)

都算係好大進步啊!!! 只係第2日ja !!!!

之後可能因為過左weekend

星期一返學時, , , 呀囡係屋企已經不停話唔返學唔換校服....我都係夾硬同佢換衫...
佢不停喊......話唔想返學
喊到鼻涕都流埋
又係好慘情咁......

今日我自己放假, 我自己車佢返學,,,,,,,我一路渣車佢就一路喊.....

到泊好車, , , 我見佢, 嘩!!! 成面眼淚同鼻涕, 想點?!!!

真係好陰公豬~~~~~

好LA....一路行都係叫住話唔返學.......未入課室又已經想走...

但都係咁LA, 又係老師抱住佢我就走LA

到接放學時, 老師話佢今日喊左5分鐘就無喊LA...
之後表現都OK
有一齊玩, 老師叫小朋友唔好再玩課室玩具, , 出出面玩
有小朋友仲係到玩, ,, 呀囡同老師講話有小朋友仲玩課室玩具, 唔岩呀....
hahahahhaha
佢真係管家婆.......老師話佢都好大個.....都識講好多野....hahahha
緊係....大女ar ma

8月14
今日又係我湊呀囡返學
佢今朝好D, 到換衫先黎喊...

不過無尋日喊得咁淒涼
喊下停下
我渣車時見佢都無咩點喊LA~

心情唔錯tim

雖然送佢入課室時又係喊....又要老師抱抱安慰~

但老師事後話佢今日只係喊左幾聲就無再喊.....5 mins 都無

今日去厠所時仲幫同學仔沖厠tim......(佢真係好鐘意做野...hahahah)


放學時佢都好開心~
睇黎其實佢都鐘意返學, 但又唔捨得媽咪分離個刻ja~

總括而言
我都覺得要恨心離開佢
小朋友適應能力比我想仲快呢~

呀囡, 你要加油努力!!!