台北旅行 Part 1

6月30日

今日行程係 臺北市立兒童育樂中心 --> 九分, 十分--> 太和殿

之前已經上網BOOK左車 8 小時4000 台幣

準時十點酒店出發~

好快就到左臺北市立兒童育樂中心
入場費好平.....6歲以下小童免費
裡面既遊戲就另外收錢
20 台幣一項
好抵玩~~~~~

仲要呢到既遊戲好岩小朋友玩.....即3歲以上
年青人就唔岩LA.....

今日非常好天....其實好感恩....呢4日都係咁好天呢~

第一様就玩碰碰車

之後本來想同Leanne 去玩thomas 火車......但佢去到又唔肯玩.....

但就好想玩呢D車仔..............=.=

算LA....俾佢玩左2架...

轉轉杯
佢最鐘意玩呢個
玩左2次TIM!
平時去迪士尼佢已經好鐘意玩轉轉杯
今次都玩得好開心~

之後坐呢個船仔~
轉下圈, 都幾涼快~ hehe

本來想玩摩天輪....但見多人排隊同我地都趕時間去九分
所以最後揀坐小火車~

不過坐坐下有隻大蜜蜂....真係嚇死.....好大隻...
話時話, 係台北幾日都見到D好大隻既蜜蜂.................好得人驚.......=.=

出發去九分~~~~

下一篇繼續....