家連家

之前報左家連家既精神健康課程
一共9堂
終於上完LA~


其實呢個堂真係好有用
上完有好大得著
上堂既人, 大家都係屋企有個患者
大家同路人, 講出黎, 大家都好明白大家既感受
呢D, 係你同其他朋友, 親戚講, 都無既感同身受


上完堂, 最重要係個心態唔同左
識得理解精神病人

明白溝通既重要

佢係著重幫患者家屬提供支援

如果有人有家人係精神病患者

我強烈推介你地去上呢個課程

學識點様去同患者相處, 了解多點呢個病
對你同患者都有莫大好處

同埋, 上堂時都有好多時候可以俾大家講下感受, 遇到既困難等, 可以俾家屬有個宣洩既渠道

家連家精神健康倡導協會
http://www.familylink.org.hk/home.html

其實精神病係腦部出現左問題

原因可能係遺傳, 壓力, 際遇等等因素影響...亦都可能係其他唔知既原因...

情況就好似患癌病一様, 細胞突變, 你問點解, 我諗醫生都只可以話你知好多原因, 實質原因, 好難考究

有病就應該睇醫生, 著重如何醫治, 而唔係一味係到問點解有呢個病???!

同所有病都一様, 如果及早得到適當治療, 痊癒機會亦會比較大

所以, 有病要及早醫治, 唔好諱疾忌醫

抑鬱症已經上左去疾病既第2大殺手

估計全港有超過170萬人患有不同情度既情緒病

而有去睇醫生既, 只有大概幾萬人

大概係因為大家都唔多重視自己既情緒

但其實我覺得, 佢比任何一種病, 都影響更大

奈何, 政府投放落精神病呢方面既資源, 少之又少

全港, 仲差800個精神科醫生
這就解釋了, 為何, 病人每次去覆診, 都要等幾個鐘
見醫生就只有5分鐘

其他病可以睇數據, 但精神病/情緒病, 係好需要醫生觀察患者既情況
5分鐘, 可以睇到/問到 幾多呢??

私人執業既精神科醫生都唔少
但收費昂貴
唔通, 呢D真係富貴病??? 講緊全港有170萬個病人WOR

政府何年何月才會重視下呢個問題呢??????????



另外, , , , 作為患者既家屬, 千祈唔好覺得羞恥
患病者只是不幸
你要先接受佢係患病, 患者先會接受自己
如果連家人都唔接受佢, 你叫佢點去面對出面既目光?

面對別人既歧視時, 也不要退縮
帶有歧視目光的人, 係佢地唔岩, 佢地無知
當你容得下你的患病者, 別人也會容得下!

各位家屬加油!! 精神病接受適當治療後, 係絶對可以康復的!!

呢條係漫長既路, 但唔係孤單的! 只要你肯去發掘, 其實我地仲有好多出路!

放工之後.....

唔記得左係邊日放工影架LA...haha 應該係2星期前

放工仲見到太陽,心情都好d~~~
 
我比較早放工, 基本上每日都見到太陽~wakakakkka

我返工真係似遊魂................成日都唔知做過D咩................然後又收工...

我覺得好悶架
....但好多人又好羨慕WOR
咁我都知...唔洗OT已經非常好
每日都可以準時收工, 可能好多人都唔得...

不過有苦自己知LA
悶都幾難捱架~~~

最開心係回家
見到呀囡~
同佢玩一陣~~開心晒~~

之前佢帶埋隻鴨鴨出街
仲叫佢做"吳攞得(duck)"
真係俾佢笑死~~~

吳攞duck 被人遺棄~~~~so poor wakakakak

line camera 真係好好玩~

D decorations 好靚呢~~~
愛不惜手~ hehe

"COco" - 囡囡語錄

某日....老公係屋企同囡囡玩扮打電話遊戲

老公同佢講左一輪無聊野...
然後問囡囡 「你叫咩名?」
囡囡:「COco」
老公: 「你叫咩名wor」
囡囡：「我叫COco ar」

wahahahha我同老公都爆笑

咩COco ar?!!!!

我問佢, 邊個叫你做COco 呀, 你都叫Leanne wor
佢話：媽咪LOR

又亂up 野LA~
hahahaahaha



(一早就玩Wii...................其實佢都唔識玩hahaha )

佢有時真係好搞笑....成日無LALA爆1,2句搞笑說話...同時又驚訝佢識講咁多說話..

古靈精怪~~~B

老公呀嫂話, 佢個日帶佢出街同人飲茶
有個Aunty話請囡囡食糖
叫佢係萬寧自己揀
囡囡話: NONO, 唔可以食糖, 會咳咳
aunty 話咁食餅LA
囡囡話：NONO, 唔可以架, 媽咪會嬲嬲

hahahaha
估唔到佢有聽我講野
因為老爺成日俾糖呀囡食
老爺就老公叫佢唔好俾呀囡食糖 (但都係唔聽架LA)

咁我就同呀囡講, 叫佢人地俾都唔好食

又估唔到佢會聽
(但應該因為個aunty 佢唔熟ja, 熟人俾咩都食架LA!)


囡囡, i love u so much
雖然你唔鐘意錫我地同唔鐘意講i love u
但我地好鐘意錫你架wahahahah

love u

又去沙灘

上星期日, 表姐打黎話佢地去左沙灘玩, 問我地去唔去...


但囡囡咁岩瞓緊覺.....我話睇下佢幾時瞓LA


1個鐘後囡囡醒左....問佢想唔想去, 佢話想去
咁我地就即刻出發LA!!!去 黃金海岸好快JA, 唔洗廿分鐘~

去到都好多人呀!!!!

later summer 應該更多





佢自己要載眼鏡....haha so funny



好搞笑, 等被浪沖...




寫左囡囡個名.."Leanne"



祈祈

 

 

呀囡飲左D海水呀.....

 

玩到差唔多7點就走LA

宜家7點都唔天黑.....一望鐘先知已經咁晏LA

急急腳執野走人~~

醃甜酸蘿蔔

上網睇完人點整
自己又試下

不過我無唔係不锈鋼既煲, 所以我無煲醋

只係張D白醋加水加糖+ 蘿蔔 (蘿蔔先用salt 出水再洗淨..)

加左2隻無切既辣椒

顏色靚D

但應該切下...有D味...whahaha

雪左一晚第2日已經入味la~
但太多,......老公唔食...我一個人都唔知要食幾耐............haha

「我瞓唔著」

好搞笑......

星期五....陪呀囡入房瞓....都10點左右先入房...

同佢傾偈...唱歌....講下故事....玩左一大輪....

叫佢瞓覺LA...........

其實我都差唔多瞓著架LA...........

點知佢竟然話：「媽媽,我瞓唔著呀」

我覺得好驚訝啊!! 第一次聽佢話瞓唔著......ja...

我一直覺得鐘意瞓同瞓得多既人會好D

佢地無咁多野諗....無咁多煩惱, 亦少D情緒問題...

不過咁,,,,可能因為佢個日瞓到夜晚7點半先起身...(奶奶話既...但我唔知佢由幾點開始瞓...)





瞓唔著...又繼續玩...

攞左佢daddy D車仔玩...


結果個晚佢差唔多12點先瞓LOR! crazy!!~

仲有..............第2日又係6點幾起身!!!!!!!

華嫂冰室

上星期6同岩岩個星期6
都去左華嫂冰室食早餐

其實知道呢間野好耐
但又一直都無去
因為唔多知佢exactly既位置

但又成日見到fb d人話去食

openrice d人又講到幾好食

終是去試下




上星期6同埋老公個朋友去




去到要等位
我地又行開左傾偈玩....

原來佢叫左我地no, 我地都聽唔到......到等左好耐,走去問下先知叫左....

如果唔係都唔係等好耐ja

(岩岩個星期6因為早去, 8點幾就到, 所以都唔洗等位)


我食左豬潤牛肉米線, 幾好味wor
招牌菠蘿包, ok wor~
碎蛋3文治, 呢個ok, 但好普通


前日就試埋豬扒蕃茄烏冬, 都唔錯, 用新鮮蕃茄整既湯底, so healthy

仲有呢個招牌朱仔包

咸牛肉芝士蛋豬仔包...OK LA~

我都係覺得豬潤牛肉米線最正

下次試下芫茜湯底先~


華嫂冰室
元朗屏山坑尾村

父親節......

其實..
好想講...
我的家人好怪...

大家都唔多講野, 唔多FRD 的

近日睇左篇報導

講一個家庭有病, 病徵多數出係仔女身上

有個家庭, 一對仔女, 病徵出現了大女身上, 細路無事

情況就好似, 有D人免疫力比較低, 所以比較易受感染..

我係到諗~可能家姐都係因為咁, 所以佢出事, 我地無....


好LA,,,,講返父親節...

尋日一早約左一齊食飯......大家講左去屏山傳統盆菜.....9砵餐



(D餸都OK, $1450 貴左D, 但夠14個人食LOR!!! 我地8個人only, 打包左5大盒走)

6點左右去到.....叫呀姐上菜......大家就食食食.....各自傾談....都無人講句父親節快樂...,,,食完就散....仲要俾錢時

講好大家夾錢......細妹又耍賴, 借D意又話無襟錢, 又話自己係學生無錢, 跟住又話得張澳弊...........
我真係唔明, 點解佢會做得出呢D行為
作為呀父母, 見到個女俾錢都推3推4
會覺得點呢?!

下下都要俾錢個刻先黎耍賴, 真係好CHEAP既行為

連細佬都已經唔會咁做LA

真係每次都要搞到咁核突...

食完我覺得完全違背左食飯原意,,,,
咁様食, 仲差過係屋企食....


我想搞好D家庭個結構

家庭之間人與人既關係本身唔好...家姐個病都會有影響

我覺得要父母開心, 家姐先可以少D壓力..

努力..

相架

相架

之前係cotton on 買左幾個磁石polaroid相架
 好靚呀, 大概幾十蚊, 有5個

仲有2個disneyland 買既相架

都好靚

為左D相架, 晒左D相

整好後~好靚呀~


呢個係扮polaroid 磁石相架~靚~




disneyland 買既.............靚~

大愛~

在家中玩樂

6月2 號
老公D有野做, 出左去成日

(之前買既花...都開得幾好..)

朝早去完飲茶買餸, 佢就出左去LA, 夜晚先返

家姐黎左我屋企同囡囡玩

玩左一陣, 呀囡好似有D眼瞓

咁我就同佢入房LA, 家姐又話想瞓

囡囡叫佢一齊瞓, 好搞笑

但囡囡瞓左一陣, 正當我同家姐係出面食緊個朱古力蛋糕時

囡囡又爆喊LA....

跟住瞓返....但好快又起身......結果瞓唔返...

到家姐眼瞓, 我叫佢去瞓下LA

咁呀囡唔瞓, 我就要煮飯佢食....

佢肯自己玩, 要跟住我....仲叫我抱住佢煮飯................=.=

我唯有用食物令佢坐定定.....開左個yorgut 俾佢坐係high chair 到食...

我先可以去煮飯...

佢食食下唔用Spoon.......用手指..............so dirty...................=.=

不過我都要快手煮好飯先得閒理佢

煮左豆角3文魚同蕃茄豆腐肉碎湯

今日囡囡好食得WOR, 食左碗湯仲食晒D飯! 好勁, 仲要2様都自己食/飲.... 我只係最後餵少少, 算係咁LA!

之後同佢玩下, 佢又笑得好開心

見到佢開心我都好開心呀

之後家姐醒左, 同Leanne 玩左陣.....6點左右就走左...

我同Leanne 就落樓下玩bubbles

 

呀囡跑來跑去, 好開心

之後返上去沖涼.....

同食飯時間老公先返黎~

我同囡囡都食飽LU

之後我又陪囡囡瞓覺

咁就過左1 日

雖然無去街, 但咁様同囡囡係屋企玩, 都好開心呀~~~ so sweet ~~

朱古力蛋糕 chocolate cake

呢個蛋糕味道好好

其實都只係張唔同既野擺埋一齊....

不過最失敗係淋面既朱古力...........我係蛋糕用品舖買左現成既....

佢室温都會凝固..........我淋左上面就攞落雪櫃...第2日睇

就知籟野.......硬得濟.....suppose 個面係軟滑朱古力醬黎架MA.............

唉~下次都係自己整個淋面LA........

雖然係咁, 整體都仲好OK 既~

底層係chocolate Sponge cake (好搞笑, 整個時唔記得整緊朱古力味....到西左少少粉先記起....即刻加D可可粉落去....所以D份量唔多岩...但出黎效果都OK wahah)

之後係朱古力慕士 + 榛子脆脆 (呢個我買現成, 原食譜自己整, 有機會我都會試下kaka)
再一層朱古力慕士, 最後係淋面朱古力~

老公話個蛋糕好好味

囡囡咳緊無得食

我都覺得唔錯 (其實朱古力都好難唔好味...hahaha)

食譜

食譜 (六吋圓型):

朱古力海綿蛋糕一片,

修成五吋半圓形

海綿蛋糕6”一個做法 – 可切開分出兩片

材料

:
蛋 2 隻

糖

50G
低粉

45G (我諗轉用10G 可可粉), 就可變chocolate cake)
菜油

15G
做法

:
1) 蛋加糖打起至CREAM狀

2)

加入已篩過三之的低粉入

(1)
3) 加入菜油拌勻

4)

放入己預熱180度的焗爐15分鐘

5)

倒扣待用

榛子朱古力脆脆

脆脆 40g

榛子醬 25g

朱古力 25g

1. 朱古力坐溶, 加入榛子醬, 放涼後加入脆脆.

2. 在一個比慕絲圈略細的圓模(我用五吋半的)內舖保鮮紙, 放入脆脆, 入雪柜雪實.

朱古力慕絲

牛奶 90g

蛋黃 一隻半

糖 22g

朱古力(58%) 120g

淡忌廉 150g

魚膠片 4g

1. 蛋黃和糖拌勻, 加已煮滾牛奶攪勻. 再加入已浸軟魚膠片.

2. 分幾次慢慢將(1)加入己溶朱古力, 待涼後加入已打發至七成的淡忌廉.

朱古力淋面

水 35g

淡忌廉 27g

糖 62g

可可粉 22g

魚膠片 3g

1. 水加糖煮滾, 加入己浸軟魚膠片, 加入淡忌廉和可可粉攪勻, 熄火, 過篩, 待涼至33度便可淋上蛋糕面.

蛋糕組合:

先放入海綿蛋糕, 倒入一層薄的朱古力慕絲, 加入己雪實的脆脆, 再倒入餘下的慕絲, 入冰箱雪至凝固. 最後淋上朱古力淋面, 再雪至凝固便成.

註:

1. 朱古力慕絲我覺得太甜, 可減糖份量. (囝囝和老公都話ok, 視個人口味)

2. 朱古力和榛子醬一定要放涼才可加入脆脆, 否則脆脆會變淋.

又整話梅凍茄

之前整過一次




前日又整~

我本身鐘意食蕃茄, 又鐘意食甜甜酸酸既野

話梅+蕃茄, 對我黎講, 真係好大吸引力!! WAahahhahahah


好易整, from 大少奶

白醋+水+糖+話梅同蕃茄 (蕃茄要先去皮, 係底部界十字, 用熱水滾一滾, 就可以去皮LA)


雪凍

就食得LA~

夏天食真係透心涼呀~~~正正正~~


同時, 我想整D甜酸蘿蔔.......weekend 開工先!!!

木槺布甸

前晚想清左淨低既淡忌簾.....最方便就係用黎整木槺布甸!

仲可以順便清埋can 鍊奶!!! very good

木槺布甸好易整

瑪琍餅整碎
淡忌簾打到企身, 加鍊奶+幾滴雲呢拿香油(optional)

入唧袋
之後一層餅碎一層淡忌簾混合物

放雪櫃上層

我整完第2晚先食~正~






呢款膠杯太大......下次買D細D既

老公話太大杯Wor wahahhahaha