翠樂庭食buffet

 

我地係樂園搭suttle bus 去酒店食buffet

 

好快就有車

 

亦都好快就到

 

之前上網睇過人話無咩好食

但話有開邊龍蝦......不過當日無wor

 

凍海鮮得超級細隻唔好味既長腳蟹..(真係未見過咁細), 藍青口(算最好味),

無味翡翠螺同無味凍蝦..

 

 

熱食都唔多選擇

 

燒牛肉同羊扒算正常味道

 

其他不值一提

 

甜品也是.....不太吸引

味道還可以啦

 

我地3個人都無咩點食野

Leanne 扭眼瞓更加無咩點食到....

 

 

當日好多枱都係慶祝生日
所以D公仔都係去晒果D枱影相
走過幾轉都係咁
都唔理其他枱既客人.....

其實我同老公影唔影都無所謂
呀囡又扭眼瞓
但後來Leanne 又話想同Mickey影相
咁見到Mickey 過黎咪諗住佢影完隔離枱會過黎我地張枱影
但都無WOR
又走左去另一邊慶祝生日個枱到

我就走過去同工作人員講
麻煩佢地一陣過黎影
工作人員反同我講, 佢地影左呢邊先因為有人生日
我: 咁唔慶祝生日既枱就唔洗影架LA?!

佢唔咁講我都無咁嬲

你去生日個枱先無問題
但唔係同一張枱去2-3次, 但有D枱一次都唔去MA

仲要食buffet 有限時

限時內你都應該照顧到每一枱客人....

我地同Mickey 影相時佢地已經催左我地埋單
差D都影唔到TIM AR

迪士尼呢方面安排得好差

食物已經唔好, 服務都唔好
仲要收5百幾蚊位....真係好唔底

所以我地都唔會再黎呢到食自助餐
 

本來仲想返入PARK睇埋黑色世界巡遊...不過Leanne 已經好攰

所以食完就走人LU~