競技同樂日

3月15日
今日係Leanne 學校競技同樂日
本來知道星期五搞, 已決定唔參加
但後來老師打黎叫我地參加
話好多人參加, 小朋友會鐘意玩....叫我地有時間就帶佢黎LA

咁我同老公就都攞左假去陪佢玩...

通告寫9:15 -11:00am
地點係體育館

我地好早係附近食完早餐就行過去...

去到聽左個briefing ......跟住一班小朋友就一齊落去跳早操....跟住就可以開始玩遊戲.
跳早操時Leanne 已經唔多願意自己行去.....仲無乜點跳.....我都估佢一陣表現應該唔多好...

結果真係.....


遊戲開始前仲好開心~見到D同學仔都好興奮





聽緊老師briefing~

其實就好似玩攤位遊戲咁, , , 不過D遊戲都係親子一齊參予...總共7個遊戲
每人最多玩4個
每個遊戲勝出者有1個印仔
集齊3個就有奬牌
另外每人都會有份紀念品

今日都唔算多人....應該唔係全班都有出席....(我諗應該少人參加老師才打電話叫家長盡量出席吧!)

係玩第一個遊戲Leanne 已經出事........
呢個遊戲...我負責傳波俾佢, 然後佢攞住跑到終點...

結果個波傳到佢手上....佢攞住唔跑又唔郁....要老師拖佢跑去終點..............結果緊係包尾~

其實玩下無所謂~不過Leanne 就係咁, 咩都唔敢自己玩
要我地陪住佢先得...

之後第二個係小朋友捐墜道.....
佢又唔肯捐....

又係無完成..

第三個我同佢一齊係呼拉圈入面...然後執指定生果....因為我全程同佢一齊....呢個我地一齊完成仲最快有印仔TIM~

最後一個遊戲, 係小朋友攞波行獨木橋再拋入家長攞住既箱入面..

呢個遊戲一開始...Leanne係行得最快....但佢竟然拋波後就過黎我到...唔再攞第二個波!!!! ....即係又無完成~HAHA

連個班主任見到都話佢平時上堂唔係咁....

即係成個同樂日佢都無咩點玩到~~~ 結果唔洗10點已經玩晒4個遊戲~可以走LU

走既時候佢又好開心....~.~
問佢做咩唔玩...佢話好驚...
問佢驚咩....佢話呢到唔係學校, 所以好驚~.~

有咩辦法可以令佢大膽D 呢?!!