Leanne 學校聖誕才藝表演

 

 

12月12日

(又跳返去12號HAHA)

今日係Leanne 學校聖誕才藝表演日
全校所有學生都要去劇院表演~
有班級表演, 個人同親子

我一早攞左假去睇

但Leanne 0個個星期感冒.....又發燒....請左2日病假..

本來都係諗住睇佢當日情況先再決定參唔參加呢個表演.....

結果個朝佢發燒, 唔高, 38度左右LA
 一早食左退燒藥....

我都打返學校話佢去唔到...請左假..

但到8點左右, 佢已經退燒

精神又唔錯, 我問佢想唔想去

佢又答我想呀, 好想去

咁我就決定帶佢去LA!! 我地即刻換衫....我連面都未洗...就急急腳同佢走.....
因為我以為9點係集合時間, 過左就無人接佢....走前打返去佢學校, 話我地黎緊.....叫老師等埋我地...

學校既人就話, 原來集合時間係9-9:30am.....咁都好D

屋企渣車去, 唔洗5mins

好快我地就到....但附近停車場都好full!!!

最後泊左一個得半個鐘咪錶, 諗住送左佢去我先再揾位...

結果去到現場, 見到Leanne 班主任時.....Leanne 又扭計...唔肯去老師到....
之後仲喊.....又話要走.....要返屋企....要我陪佢入去唔跟老師....~.~

我都差D想帶佢返屋企....我諗佢都係因為唔舒服所以扭計.....但佢其實好想去玩...

我估佢入到去, 見唔到我又無野架LA..
所以我都係俾佢去表演....

結果同我諗一様....佢之後就無野......完show 後又開心又精神TIM~~

到我泊完車再去排隊入場.....都已經差唔多排包尾.............(不設劃位...先到先得...)

結果,,,,真係坐到去山頂位, 仲要係最後排..........

睇唔清台上人既様..................

所以當LEanne 表演時, 我都唔sure 邊個係佢, 都係估估下~~~~ ~.~
但我見佢都有唱有跳~表演唔錯~HAHAHAHAHA


小朋友真係好cute~

唯有等之後既DVD 啦~


佢個班係第15個表演......都等左好耐先到......

其他班有D都幾搞笑~

但我頂唔順LA......睇完佢表演後, 我就出去食早餐.....再周圍行下
返到黎, 都未完~~~~


全日有40個表演項目.....都真係要到12點半先完..

之後返入去湊放學.....又等左半個鐘...........=.=

之後見Leanne 好開心行出黎~我都好開心~





呢D係花燈設計得奬作品..........真係好犀利...............我睇完之後....決定唔會再參加呢D比賽!! HAHAHAA 輸緊~