今日係學校家長日同埋攞冬季校服
因為只係返左3個月學
老師話, 1月會再有家長會, 到時會有小朋友個profile 俾返家長睇, 有相呀, 學習記錄等..
(咁點解10月又要搞一次呢?!)
老師話, Leanne 進步左唔少.....由初初比較痴人開頭返學成日喊.......跟住又唔聽指令, 到宜家肯跟規矩.....都進步左好多
另外老師話LEanne 學習方面唔錯, 教佢既都好快識又記得
同埋佢好了解成個課堂流程......知道晒之後做咩
老師一個眼神佢都知道要點做, 算醒目同比較上感覺大個
老師仲話....LEanne 有個同學仔叫安安, 同佢一齊坐校車
安安比較大頭蝦.....Leanne 夠鐘坐校車, 就會叫埋安安: 安安, 揹書包走la...!
好搞笑~~
老師仲話LEanne 會上堂時唱歌跳舞, 去厠所都唱....
仲會攞老師既咪, 係同學面前唱歌講野
仲會......走去睇老師改簿....問: 老師, 我有幾個印仔?!
老師有時會派貼紙....佢又會同老師講: 老師我今日好乖, 俾貼紙我LA!.....
HAHAHA 我聽到時覺得幾好笑.....我又真係估唔到佢係學校會咁
見完老師, 去攞埋校服...
返屋企試下套校服先.....
宜家好鐘意咁様影相....~.~
之後食飯......同我出街...見朋友~
肉碎煮豆.....佢都意食~煮親都肯自己食飯~
0 意見:
張貼留言