Leanne 濕疹近況

都真係好耐無update blog la

其實沖繩之後仲去左台北....襯有時間, 會慢慢寫返出黎架LA~

今次想講下濕疹先....

因為近期囡囡雙手又有好轉
想分享下

其實自從上次分享過後......呀囡對手經歷過一次爆發......

當時佢雙手又再爛晒同俾佢抓到流血......爛既情況又係慘不忍睹...

個次我地又再俾佢搽返類固醇....因為有朋友講: 搽返好就停, 唔係有排唔好..

咁我都覺得不如止左佢先....

於是就幫佢清潔同搽類固醇.....大概搽左幾日...見有好轉就停用

其實之前我已經開始俾佢食油----亞麻籽油同鄰蝦油

星期一食鄰蝦油, 星期2,3 亞麻籽油, 星期4 鄰蝦油, 星期5,6亞麻籽油, 星期日鄰蝦油
然後又重複

同時要佢少食有防腐劑, 添加劑既食物
雙手就主要搽椰子油+甜杏仁油做保濕

初期曾經覺得情況有少少好轉........起碼佢個次爆發, 無上一次咁嚴重...

所以一路食油......大概食左4個月....呀囡開始唔肯食.....因為日日要佢食...佢開始接受唔到...
我都無強迫佢要食...

同時帶左佢去睇專科
醫生都說是濕疹
但都係開一些低敏沖涼洗手液.....再加保濕CREAM

情況並沒有好轉........後來醫生建做一個致敏源測試.....true test
測試24種物品, 睇下揾唔揾到致敏源
經過一星期......終於有結果...

結果顯示佢對一隻俗稱kathon cg 既化學物過敏
醫生話呢種物品好多時會係一些化妝品, 護膚品, 沖涼液, 濕紙巾,洗衣液或清潔用品上用來作防腐劑..

後來我地都check 過Leanne 用既野, 都無呢種化學物....不過濕紙巾既嫌疑其實係最大....因為呀囡咁耐以黎都只係雙手有濕疹......所以我地都決定試下唔用濕紙巾..

所以, 呢個true test 只係作為一個參考

有次同朋友傾開計
佢囡囡都有少少濕疹

佢話搽精油後好返晒

於是我都買左D精油
幫呀囡試下

結果好驚喜

我開始每晚幫呀囡雙手搽: 乳香精油+薰衣草精油+椰子油+甜杏仁油
有時待吸收後, 會再補上保濕cream

大概一星期
已經見到佢雙手原來既粒粒, 都開始少
雙手便得濕潤無咁乾

現在搽了大概3星期

已經好返8,9成

如果大家有濕疹問題, 又試過好多唔同方法, 不如試下精油!

每個人體質唔同, , , , 試唔岩方法就轉另一個la

Le creuset 2014春季開倉

開倉過左咁耐先講返~hehehehehe

 

 

其實本來唔諗住去開倉架LA

好怕要等咁耐同埋同人迫

 

但有時就係咁

 

你唔想去時又會有人係咁叫你去...又有時間去WOR..

 

本來呢日去拜山........拜山後呀囡跟左大伯佢地去街....我地車返老爺奶奶返屋企

咁難得呀囡無同我地一齊...老公就係咁叫我去開倉LA

佢陪我去WOR

 

當時落大雨...佢仲話車埋我去.....(唔知做咩咁好呢?!我到宜家都諗唔明wahahah)

 

咁咪去LOR....

 

去到雖然唔多人..但最後都等左2個半鐘左右先入得去

過程都OK...因為一路條隊有郁動...感覺又唔係等好耐...

 

入去時...原來我地都算頭.....stoneware 都係晒到

我地反而去睇trivet 先

揀完先再睇stoneware 都仲有花碟, spoon 等等.....再行既時候都已經無晒LA...

後面先入黎既人就要等死雞...

 

 

我地好快睇完就去俾錢~

 

以下就係今次收獲~

 

 

 

 

今次算買得最少架la...

 

我想買多個白色花花煲就夠架La....

 

 

 

 

 

Okinawa 沖繩自駕遊2014~Day 3 (part 2)

食飽就出發去萬座毛~

 

本來想第一日就黎....但時間有限.....趕返酒店所以無黎到...第2日天氣又麻麻....

今日終於好天

所以一定要黎呢到睇下

 

萬座毛既意思係話佢呢到個大草原一望無際......可以坐過萬人....

 

 

今日個天空真係好靚

 

黎呢到要做足防曬.....因為都好空曠

 

 

 

望到呢間好似係ANA hotel...朋友住過話好正~貴D都抵~HAHA

 

 

 

 

Okinawa 沖繩自駕遊2014~Day 3 (part 1)

 

Day 3

 

今日天氣很好

還陽光普照呢~

於是我地就決定今日去戶外景點觀光~

 

 

第一站去首里城公園

係酒店去都只係十幾分鐘路程

 

我覺得呢到都值得黎

好大好靚

同埋小朋友可以攞張地圖...裡面每個景點都有得吸印仔, 岩晒小朋友一路睇一路儲印仔

 

不過我地唔係正門落車, 所以無攞地圖...所以叫呀囡吸印落佢本簿到~~hehe

 

 

 

 

 

 

 

 

 

睇返D相都覺得呢到好靚~

 

 

行完之後, 就去琉球村~~

 

 

又要個幾鐘車程lu~

 

渣車最好就係小朋友可以長途車時瞓下覺~抖足精神再玩~~

 

Okinawa 沖繩自駕遊2014~Day 2

 

Day 2

 

今日係酒店食完早餐

就出發去菠蘿園

 

今次由我渣車.....預計時間1個小時有多...選擇行收費道

因為行收費道...車輛不多

其實係幾好渣既...不過渣咁耐車真係腳軟~.~

 

今日天陰有微雨...

 

 

到lu~

呢到其實無咩好睇...

坐呢架菠蘿車遊一個圈, 主要睇花花草草同菠蘿

 

最後就係賣手信既地方..

大部份都有得試食既....試岩先買~

 

呢到無時間我覺得可以唔黎~

 

 

 

 

 

 

食杯雪糕就去下一個景點~

 

 

沖繩美之海水族館

 

由呢到去好似都要1個鐘頭左右先到

 

我地泊左係7號car park . 的確係最近水族館~~~

 

 

 

 

呢到環境好靚

係對住一望無際既大海~

如果天氣再好D就好la~

 

 

 

黑潮之海~

比我想像中細啊~

但都好靚

 

之後就去岸本食堂食沖繩拉麵

 

由水族館過去....大概十幾分鐘就到~

 

 

 

呢間拉麵都好出名

好多遊客

我地2點半左右去到都仲要等位...大概等左半個鐘先可以入去

因為weekend , 佢對面有個小形市集

都係附近居民賣自己既手作或食物

 

我同呀囡去左行下, 買左個麵包脆條

好有驚喜

好趣好好味~

 

 

終於到我地入去食LA~

呢到得沖繩拉麵, 大碗或細碗

同唔知咩限定

 

我地3個一人一碗, 呀囡就細碗既~

 

呢個拉麵好好味

 

我地都覺得比起通堂更好味呢~

 

去完水族館, 值得黎呢到試下啊~

 

 

食完麵都4點左右...我地都係時候出返那霸

今晚去食燒肉~

 

車程大概又係2 個幾鐘~

 

 

中途我地去左outlet....

 

不過呢個outlet 可以唔洗黎, 無野買之餘又遠又waste time~~~~~~

 

搞到我地出去國際通時都差唔多夜晚8點lu....

 

 

我地去左守禮食燒肉

味道OK唔錯, 但又唔算好特別

 

食飽就返酒店

 

今晚住Tune Hotel

 

 

名護鳳梨園098-053-3659

水族館 (停P7, 最近) 098-048-3748

岸本食堂 (拉麵) 098-047-2887 

Tune Hotel - Naha, Okinawa  098-943-077

 

 



 

 

 

 

Okinawa 沖繩自駕遊2014~ Day 1

 

 

好耐無寫blog.....因為真係懶..同埋成日都有D想放棄佢既狀態.....

 

不過岩岩去完旅行...又想寫下遊記~ 所以又返黎好耐無黎既blog la~

 

 

今次去沖繩係因為見到有平機票......出發日期又咁岩可以係我生日附近...

所以老公就提議去旅行順便慶祝生日~~~

 

 

今次酒店加機票都只係6400HKD 左右, 2 個大人1個小朋友...

真係抵到爛!!!!

 

不過時間就麻麻...去程7:35am 回程11:55am

 

我地去左4日3夜

 

其實都夠玩既~

 

 

第1日去到機場....因為雷雨.....等左接近一個鐘先可以上機...

到抵沖繩時大概12點左右LA...

 

一出機場就去揾ABC rent a car 既shuttle bus station...其實好易揾..

出左機場行過去domestic airport 就會見到好多租車公司既shuttle bus...揾返11B就係ABC 公司LA

 

岩岩好去到佢地架車準備走......好彩及時上到車~

 

 

去到ABC, , 有職員識講英文....咁都好D.....算溝通到LA

最後加埋額外保險....租車錢大概12500 YEN 3日. 油錢最後用左3千幾yen...

沖繩的ABC租車公司
郵件：info@abc-rentacar.co.jp
電話：+81（98）-859-5555

 

今次佢地俾左架cube 我地....3個人夠晒大

 



就係呢架...不過渣完都係唔係幾鐘意cube....起步上斜都好似唔多夠力
 
 

 

之後就去食通堂拉麵...附近有停車場, 好易揾..

呢間拉麵好近ABC公司....直行轉個彎就到!

 

 

2014農曆新年

今年新年都幾開心

雖然無咩野做

但就係輕輕鬆鬆咁都已經夠

 

初一, 二都過左媽咪到

初三去朋友屋企探BB, , , 初四老公朋友黎食飯...

初五去左表姐屋企玩

初六去左野餐

 

就係咁

新年假就過完LU~

呢件新年衫著足3 年!!!!
不過下年應該唔岩著架LA~
 

今年買左唔少花
呢D 菊花好奇怪.....擺足2 個星期都係咁, 無開多又無謝......
唔知落左咩呢?!

最後佢係出黑點...所以我先掉左佢...
 

今年無位擺.....買左棵好細既桃花
再加D 跳舞蘭...
呢到2 棵跳舞蘭只係$35
我係花墟由街頭既繽紛賣$75...到一路$68...$55....$48...去到街尾見賣$35!! 咁抵, 緊係即買LA
價錢竟然可以差咁遠.....

 

 

新年影下即影即有~

 

 



 

 

 





 

 



野餐

呢日仲見到有個小朋友帶埋佢隻小白兔出黎玩....
隻小白兔變左景點....

 

係屋企玩彈彈床
呢晚老公朋友黎左食飯

初三探BB
 

野餐~

去左姑婆屋企食飯~
 

錦田鄉村俱樂部

1月18日

 

今日又又又又黎錦田鄉村俱樂部

 

因為住得近,,,,,所以成日黎玩

 

今日仲同埋家姐, 表姐, 總共5個小朋友一齊去玩~ 媽咪未摘過士多啤梨, 又一齊黎埋

好熱鬧呢~

 

今日天氣仲非常之好!

影左好多靚相

 

一去到就要跑...

 

 

 

 

一齊玩彈床, 個個都玩到唔想走

一齊去摘士多啤梨

雖然黎過幾次, 但我竟然今次先留意到呢D 向日葵...影下相先



今日D士多啤梨都幾靚喎, 我地個個都摘左唔少~

每次都要玩既車車, 已經可以自己坐又唔驚~

細熙好驚, 但婆婆玩得好開心咁喎~hahaha
 

呢張相影得好靚~2 個好可愛啊~長大後都要咁好呀~

今日真係玩得好盡興又開心

好喜歡呢類家庭活動

可能真係人大了才比較識得珍惜家人

希望不久將來可以幾家人一齊去旅行玩啦~