1月16日
今日係Leanne 學校一年一度既班際表演
往年N班時都有去睇佢表演,但就得我一個
今年老公都攞到假一齊去睇
佢地每班同學都由老師安排表演一個項目
多數都係唱歌跳舞...有些就行CATWALK, 打鼓舞獅等...
今次Leanne 佢地會唱新年歌同埋行CATWALK
所以老師要求同學要著華服
之前已經成日聽到Leanne 唱..."好一朵迎春花呀呀.....人人都愛他...."
後來先知原來係串燒歌....仲有好幾首好似財神到等既新年歌...
今次既飛事前已經劃左位, 我地坐得都幾前
上年係排隊入去自己揀位坐.......我因為去左泊車......返黎再入去已經排最後...坐山頂~.~
今次仲以為呀囡會望到我地.....點知佢只係卦住望另一邊....完全無望我地呢邊,我地揮手佢都睇唔到...
向後拗....haha |
大概 3 個鐘, 上午既表演就完LA~
其實都幾有趣, 唔算太悶~
表演完係出面影下相 每個小朋友都有一枝花 |
之後就出發去迪士尼LA~~~~~~~
今日閒日黎講, 都算多人WOR
每様遊戲都比上次星期六黎排得仲耐D
宜家幾乎每次去迪士尼都食呢個豬包~~ |
今日係排隊玩小飛象時仲見到晴詠一家啊!! 好開心呢! 原來都幾有趣 睇BLOG 到見到真人 詠詠好可愛 但真人原來比上鏡瘦少少 好搞笑 (不過我唔敢叫你地啊~好似好唐突.....Wakakakkaa) |
0 意見:
張貼留言