士多啤梨mousse cake

上星期五晚忽然心血來潮想整士多啤梨蛋糕俾呀囡食

佢之前見我本CAKE BOOK有士多啤梨蛋糕, 已經成日叫我整

今次就整俾佢食LA..

因為夜麻麻無去買新鮮士多啤梨...只係買左盒士多啤梨醬

所以, 本來想整既士多啤梨蛋糕變左整士多啤梨mousse cake

呢個CAKE都分左幾日整
最主要原因係唔得閒! HAHA

星期五晚整好海線蛋糕+士多啤梨mousse
放入雪櫃雪

星期六攞左出黎搽CREAM 再雪....

之後出左街, 好夜先返

結果星期日朝早先攞出黎裝飾

裝飾完個蛋糕靚左好多~

加左CREAM後, 諗唔到點整
又CREAM淨, , 就試下整唧花.....第一次玩唧花

又幾過癮WOR~

擺靚靚先食

未加朱古力碎之前...

Leanne 幫手加既朱古力碎碎~又幾襯WOR

一人一件.....未食早餐就先食蛋糕呢~~HAHA

蛋糕都唔錯
不過果底可以加多層脆脆
咁就更有口感!~


下午本來想去泳池游水
問左LEANNE幾次去泳池定屋企開水池玩
佢都話去泳池

但最後返屋企執野時, 佢見到堂家姐同堂哥
就話要係屋企開水池LA!
小朋友....都係鐘意同返小朋友玩既

開開心心又過左一個下午~