撞車......(被人撞)

又一排無寫blog

有件事要寫下
就係2星期前撞左車

架車已經total lost
可幸是, 全車人都無事

事緣係咁...................0個日星期6
我要返工, 老公同囡囡陪我返公司食早餐
食完佢地就返屋企先




到中午我放工佢地再出黎去玩





本來都好好地.....老公返到屋企都有打俾我......

點知....11點左右, 佢打黎話撞左車
(個心真係嚇一嚇)

當時聽到佢電話後有喊聲....仲以為係囡囡喊.....(原來係佢姪女喊緊....)
即刻問佢地有無事
好彩佢話人無事...架車就無左la

問佢搞咩會撞車............佢話係俾人撞..........俾架大貨櫃車撞!!!!
個貨櫃司機真係唔知搞咩......完全睇唔到老公架車
當時老公架車係慢線
架貨櫃想cut線過黎
老公響晒"安"
但架貨櫃仍然cut 過黎...............老公即時停低車
捱撞!!!!!!!!

同時佢要顧住呀囡

當時車上仲有佢呀嫂同姪女

佢呀嫂都同時顧住我個囡
反而唔記得左自己個囡.........!!!!
佢個囡驚到喊佢先記得.................................(當時佢個囡坐右邊....係被撞個邊........真係好彩無事ja......!)

被撞完架貨櫃車先識停低..........

好彩後面架貨櫃車司機一直都有留意老公架車同0個架貨櫃車........
所以佢可以及時收制, 無再撞埋黎 (再撞埋黎既話............後果真係不堪設想.................................)

後面個司機仲狂鬧另一個貨櫃車司機, 話佢點渣車, 有咩理由睇唔到有車仲要夾硬cut埋去...........仲幫佢地報埋警...............

當時佢地都出唔到黎ar, 因為對門開唔到
要消防員救佢地出黎
好彩呀囡仲細, 唔識驚ja.......唔係可能有陰影...

之後去左醫院檢查........老公, 呀囡, 同姪女都係擦傷好少....都係俾玻璃碎整到......要洗傷口, 好彩大家都無chok親
囡囡個傷口好細, 得2點....好彩.....其他人都係好小事...touchwood


當日另一個好彩係....呀囡個日個car seat放左係司機位隔離, 即係唔係被撞個邊
平時佢係坐司機位後面gar ma (即被撞那邊)

所以...............人無事真係十萬個好彩




車就算la

雖然都好傷心....因為架車新買, 都未夠3個月....................唉~

好彩買左全保..........同時都要claim返對方
但.....保險呢d野, 又有排搞la...


anyway......人無事已經好感恩! god bless

大閘蟹

今年都食左幾次大閘蟹laaaaaaaaaaa~~正

仲想食多次呀!!!!!!!!!! hahahahha



呢個老三陽買既陽澄湖大閘蟹
4隻3百幾



蟹粉小籠包
又係老三陽 $98/ 8



呢個永富買既

都好味

 見到都想再食呀.......正

一風堂

想食好耐架la


個日自己一個係tst, 3點幾, 唔洗等位就入左去食

well

結果

我覺得好一般

我叫左白丸加蛋, 麵要中等硬, 同一碟餃子

餃子好一般, 唔可以叫好食

白丸個湯好濃同有味
不過唔係我杯茶~haha
麵就太幼同太軟.....................唔好食
隻蛋普通過唔普通

食一次都好夠la
要排長龍既話我一定唔會食lor~

報幼稚園

其實之前已經開始報幼稚園
囡囡係大女
所以我想俾佢讀n班

但, n班一向選擇唔多
又唔係間間幼稚園都有

所以囡囡夠歲半就幫佢開始報名

鄰舍輔導會就夠歲數可以入表
然後等11月或12月會叫你去面試

珈琳就交表時做埋面試

面試好簡單, 主任同囡囡一路玩一路叫佢砌積木, 分顏色形狀
但囡囡唔識, 符碌咁擺岩幾個
(佢到宜家都唔肯學顏色, 形狀........都唔知點教佢好, 佢係完全無興趣同專注力去學)
跟住俾d圖問佢呢d係咩黎, 有生果, 麵包, 車個d la
囡囡都好似無乜點答

又係唔多出聲

不過跟住都收左我地讀上午班, 俾左留位費

其實我想囡囡讀周宋主愛, 因為佢n班係全日, 同埋有校車坐
咁我就唔洗擔心99佢地湊佢返學, 車上車落, 又要過馬路,,,,,

不過, 周宋主愛限左日子派表, 只派50份, 同只收十幾個學生

佢星期6派表
星期5下午已經開始有人排隊 la!!!!!

當晚情況


同老公收工時去望下
n班有30人左右排緊.....
都有諗過排, 但又覺得排通宵好似太誇張la
結果無排

反而表姐有去排
佢幫佢囡囡排 k1
k1少d人排, 但都有人排通宵....

結果n班星期5夜晚9點零就已經full晒
k1 第2朝5,6點先full

第2朝去揾表姐
好佩服佢可以排通宵lor!!!!



個個都排完通宵............

囡囡同祈祈表姐玩~

呢間幼稚園最吸引既係校舍
夠大, 又有獨立禮堂, 又有戶外地方可以玩

(所以我同老公之後都有d後悔無排呢間......)

同1日, 要去鄰舍輔導會間幼稚園參觀同聽講座

原來唔洗面試
佢純粹係按入表先後次序黎收生
有份去既都係頭30幾位
但佢只收12個
有人唔讀就跟住既補上

個校長話: 佢地唔會有咩面試, 唔通你叻d就有書讀, 無咁叻, 就無書讀咩?

係既, 佢咁講好岩

但家個社會變成咁真係好奇怪, 家長都好無奈

呢間幼稚園校舍舊d同埋商場鋪, 比較細, 感覺無咁好
但就都係全日, 同埋師資學歷算高wor, 因為校長話下年7月, 有一半老師都有degree
幼稚園黎講, , 算好高比例.''

不過, 都唔知收唔收

等信.........

(等左一個星期都未有信, , 應該都唔係頭12位架la....)

睇黎囡囡都係返上午班架la....

都好既, 學費平d lor...ngng~

雜相 (2)

繼續無無聊聊~~hahah



係百佳買左2副眼鏡同佢玩~~ 好好笑~wahha




個日去左frd屋企gathering
買左蛋糕大家食
有candle所以扮吹"立"燭, 但囡囡只係呆左望住d火 ~~~ (我諗佢好想快d食蛋糕)



係咪個個女仔都鐘意推公仔




想影佢既outfit~haha





自己著sock........未得.....仍待訓練




佢同細個既様都唔同晒
變左好多




星期6出街食早餐~~~




帶左頭cool個様好大個呢~~~~~~~~~

雜相

之前影落好多相
無無聊聊一大堆~



呢條裙好靚!!!!!!
有陽光影既相非常靚又好feel
但可惜好難補捉到呀囡....郁得太快~~~



個frd教佢咁玩la.............=.=



呀囡其實真係幾搞笑....
佢攞個拉摙袋笠住自己由廳行過黎睡房揾我
好好笑~
成個咸超人咁hahahahah



坐得好招積!!!! 對腳仲要晾返上去!! haha



i like the legging!!! 靚~~



圓碌碌真係好cute~~~~~~~~~~~~~heheheh




某日去左公園行下.....棵樹好大, 囡囡好細~~




個様好奸........................扯我頭髮仲要奸笑~~~~~!!!!!!



今次唔坐....直倩企係到.............=.=

海洋公園

去完新加坡, 仲放左幾日假~

其實呢個旅行都係其中一個慶祝老公生日既活動~hehe

老公生日既正日, 我地就去左海洋公園!!!

生日個位唔洗錢
1位同行者可以半價買飛
囡囡唔洗錢

今次真係好抵, $140 就可以一家3口去海洋公園玩laaaaaaaaaaaaa

我都好耐無黎過la~~~變左好多wor~靚左



不過是日天氣麻麻, 簡唔中有雨
我地決定渣車去 (日泊都好似係$70)
渣車去都好快wor
8,9個字就去到!!!! 勁~


呀囡落車時都未醒wahahhahha






bb車個雨擋
唔錯唔錯
呢架係 m 字頭個架bb車 (唔記得全名點串)
折左好似9百幾

都算抵
仲好多details 位
幾好~




我地買左雨褸......方便d.......



坐左海洋欖車上山
好快

去玩d小遊戲先



$50 廿個波

最後掉到個小南瓜~~yeah~



呢d都係有得睇無得玩既機動遊戲~~




halloween佈置~



hahaha呀囡影張相扮下野先~~~




想坐上架車gar....不過落雨濕左...........




睇下好na......hahhahhaha
呀囡行到攰要人抱......好彩肯俾佢爸爸抱ja,......



之後去食d野
又落返下面lu.....

去睇panda!!!!! so cute & lazy!!! hahahah



浣熊
cute~~~~












個妹妹仔帶我個囡去睇金魚~~~@.@
wahahahhaha
so cute la~





妹妹仔話條金魚塊面脹卜卜~



玩埋呢個都差多走

雖然天氣唔好又無咩玩
但又覺得好難忘& 特別
因為都未試過落雨去海洋公園

同埋....想當年同老公未一齊, 但約埋一齊去海洋公園halloween, 排隊玩鬼屋時......好sweet & 開心~~~
到今時今日都仲好記得0個種感覺~~~wakakakakakkaka

等好天再去過先~heheh