難得好天要玩水

7 月28 日

話時話, , , , 呢個7 月都落左好多日雨
唔....應該話由4月開始???!! 已經不停落雨
天文台之前講過話今年夏季雨水較少架WOR
點解我覺得今年既雨水比上年或者前年都要多?!

夏天, , , 緊係要陽光普照先似樣架MA!

我都仲未去游水呀! 好想去游呀!!!! 諗起都覺得好舒服.....浮下浮下咁~.~
呢個時候, 我就好想住私人樓, 樓下有泳池......幾咁方便呢.....夜晚呀囡瞓左我自己去游都得ar ma.......

點解總係weekdays 先好好天, weekend 就落雨!

好啦......愈講愈遠

岩岩個星期日
下午
好難得有好天氣
係屋企無野做

老公竟然提議開水池俾Leanne 玩!!! 咁Leanne 堂家姐堂哥都係屋企
緊係好LA~可以3個一齊玩!

本來有個電泵.....但要用換腳插頭
但我地唔知, 因為有人話就咁插就用得...結果一插就燒左.........=.=
用腳泵.......都好快既......kaka

呀堂家姐話唔知佢套泳衣係邊....著左套睡衣玩..hahaha

個水池有條滑梯...上次無吹脹...今次終於吹脹黎玩LA~又幾好玩WOR
佢地3個爬來爬去, 我都好想玩埋一份~keke
堂家姐係3個裡面最論盡.....
結果佢都係第一個跣親既人~HAHA
佢地個個都話預左佢實跌....佢平時行路都會跣親...
Leanne 雖然最細, 但反而比較小心hahaha

跟住就水戰! 我地都俾佢地整到濕晒~

跟住Leanne 有D發脾氣
人地射到佢佢就話唔準射佢, 佢射人就得
淋佢又係咁講
同左佢講唔可以咁架, 玩就係咁様, 大家一齊玩
緊係會你射人, 人地又會射返你
唔係點叫玩WOR

可能呢個年紀會係咁? 我見祈祈表姐之前都係咁樣様

3 個小朋友又不停爭玩具
尤其Leanne 攞住個枝水槍....因為射得最遠出最多水
睇黎要買多2枝先得LA~

我都想瞓係到望下天....好悠閒啊
不過堂姐其實係跣親係到攤抖hahaha

玩左差唔多2個鐘
收檔LU
呢條毛巾老公搭佢同事係g-market 買
計埋運費都唔太平, 好似90 左右
不過叫做made in korea
又幾得意既



 

玩完成日以為Leanne 今晚會好早瞓
結果姐姐哥哥食完飯又黎左玩
我同佢地又開檔整相架
整下整下又9點幾LA

搞到Leanne 9點幾先瞓
我睇佢都攰到爆係到死頂...
叫佢瞓覺唔洗幾秒就瞓著左LU
今日佢都應該好盡興LA~

下次要約埋祈祈表姐同熙熙表弟一齊玩水先得!

麵包食譜(湯種+直接法)

其實整湯種好易

14 g 高筋粉+70g 水/奶, 撈混
加熱

煮到佢地杰身, 搞時見到有一條條行就OK
不要煮太耐
(另外亦可以用温度計計住加熱到65度)

放涼備用




材料:

高筋粉270 g
牛油 20g (可用橄欖油代替......份量可以用15g..其實都好隨意)
水/奶 150g
湯種84 g
salt 2g
酵母 3g
糖 35g
蛋液 30g

除左牛油
其他材料全部撈混成麵糰
之後再加牛油/橄欖油
再搓到起薄膜

(其實不停達個麵糰都得, 我今次都係無咩點搓, 主要狂達佢.....達左10分鐘見有D薄膜就OK)

然後發酵

脹大一倍就OK

之後滾圓排氣
切割 4-6份

鬆弛十分鐘

之後就可以造型

然後作最後發酵

又係大左一倍就OK架LA

之後搽蛋液, 入焗爐

180度焗15-20 mins 就搞掂~

新鮮出爐既麵包係最好味
尤其裡面係芝士餡!!!

好好味呢~

整果撻同麵包

 

 

 

7 月19 、20日

呢2日都係整果撻同麵包
分別在於7月19 日同祈祈表姐整, 7月20 日就同熙熙表弟整~

呢日Leanne 同祈祈都有幫手整果撻
我先焗好個撻皮
然後就由佢地搽朱古力醬
加吉士醬生果裝飾
非常簡單又好玩~

佢2 個..一路整一路偷食朱古力醬...

 

欣欣無得幫手, 但都自得其樂~
欣欣都好叻.....未夠一歲已經識企但可以放手行2步!

只要有人一齊玩....小朋友就咩都可以玩一餐~

整好既果撻再放雪櫃雪一陣....

搞掂LA~食得~



2 個都食得好滋味~

叫佢地影相, 祈祈就整呢個表情....佢話: 我係咪好搞笑呀? 我個人係好搞笑架~~
haha
俾佢笑死~

當日仲整左麵包~
雖然一年無整...但都無生疏~
今次整發得好快
半個鐘多D都發左2倍了

第2日
家姐帶左大、細熙熙黎玩
因為仲有撻皮淨
於是又整果撻

我又手痕再整麵包~







焗完LU


 

其實好想同佢地開水池一齊玩
不過呢2個星期都落雨
想玩水要等好天先得LA
到時約埋佢地一齊玩
Leanne一定好開心~

LC 好煮意

其實都唔係有咩好煮意~
不過近排又多左用LC 煲煮野
所以POST 下

LC 煲其實都幾好用
傳熱快...又KEEP到温度, 鎖水能力又強..
煮野好快熟到炆野好快淋!




菠蘿金沙骨....煮左10分鐘....再加蓋焗多陣
金沙骨已經好淋好入味

另外既係冬瓜粒粒湯..
唔記得左冬瓜會出水, 所以落多左水啊~~~

飯係蒸既
宜家多數都係蒸飯
因為快, 20-30分鐘就OK
同埋好味

另一日
煮左冬菇金沙骨
同炒絲瓜
順便開埋隻心心碟用
一SET 2隻既心心碟係襯LC flagship store 3 rd anniversary 50% off 買~
講真, 所有LC items 我都只會sale 先買
正價太貴了
絶對唔會盲目買LC
雖然佢既products 真係幾靚~~~ HEHEHEHE  

雖然已經有3個煲..但仲想買多2個....一個marite + 一個buffet ....唔知幾時會開倉呢?!~

怪獸大學

原來對上一套怪獸公司已經係12年前架LA?!!
真係唔講唔知

呢套其實可以叫做怪獸公司前傳

因為佢係講毛毛同眼仔點様入左去怪獸公司

話說去台灣時
機上面有得睇怪獸公司, 咁呀囡揀左黎睇

所以佢對毛毛同單眼仔有D 認識咁LA

加上呢排周街都係怪獸大學既宣傳....
佢地既公仔無處不在...
呀囡忽然就成日提毛毛AND 單眼仔 (佢叫佢做單單眼HAHA)

咁就諗, 不如帶佢去睇戲~

於是, Leanne 就第一次入戲院睇戲LA~~

本來想睇2D...但得好少戲院同時段有
唯有睇3D LA, 早場$60 一張飛

套戲我覺得一般LA
有D悶....怪獸公司會好睇D

同埋如果好似LEanne 咁細.....會覺得有D 驚..hahaha
不過佢都算係咁.....睇到臨尾幾個字先叫走....
當然...中途因為有野食分散左佢注意力LA~

之後問佢好唔好睇, 佢都話好既~~~




之後行過商場! 見到陳豪啊!!!!
型到呢~~~~~~~~~~~~~~~~~~~~~~!!!
佢仲要唱緊歌...!都幾好聽WOR~HAHAA

 

之後買D餅就回家LU~

Leanne 學校畫作+ 新砌圖

下學期家長會已經過左
當日老公出席...

老師話Leanne 認字方面唔係太好

同埋, 有時佢明明平時會做既事
到老師要做評估時, 佢就唔肯做

老師話. 咁會影響佢地俾分

其他方面就都有進步

學校因為無考試制度, 全部都係評估形式

所以如果Leanne 成日咁情緒化, 都幾麻煩~.~

呢方面真係要諗下計仔...

之前學校派返佢地係學校做既勞作返黎
仲有呢D畫作

都幾靚同有創意WOR~

但上學期有派一張CD裡面有晒佢地既相, 但唔知點解下學期無派WOR....



之前同老公忽然好想砌砌圖..
就買左盒1000 PCS 既黎砌下
但原來......老公係未砌過砌圖架!!
我都係宜家先知...
佢真係好搞笑.....

不過呢幅都易砌...
每晚砌少少咁砌左個零星期就搞掂LA~

搞掂LA~
都幾靚
圖案好特別...
賣砌圖個SALE話呢幅畫個日本畫師係日本好出名...佢係北海道有個畫展...
佢話有客人睇完畫展專登黎揾...

咁佢其他畫都係好特別既~
不過都好貴~呢盒1000pcs 要5百幾6百蚊, 個框3百幾....加埋都成千蚊
雖然都仲想砌砌圖...
不過一來貴, 二來砌完無位擺
睇黎都有排先會買第2盒LU~HAHAHA

不過咁, , , 叫做每晚有D娛樂一齊做....砌既過程都好開心既
大家鬥快咁砌.....仲砌到夜晚12點都唔捨得去瞓TIM~



如果我做運動都咁有恒心就好LA...
夏天都就過...我仲未減到肥呢 ~.~

Reebonz 購物經驗

今次想講REEBONZ

因為我由6 月28 日, 去旅行前, 上佢地網買左個mulberry袋
但到今日, 7 月8 日都仲未收到
應該話
佢地都仲未寄出個袋

上網落order時
張invoice 寫3-5 working days 會收到

我仲諗住旅行完返黎應該已經收到
結果: 無

CHECK返EMAIL
REEBONZ話因為特賣會, 所以好多單, 一時應付唔到, 所以會DELAY7-10 Working days!!!

聽到佢DELAY原因已經覺得好唔合理
多單做唔切?!

你唔係賣緊幾蚊/幾百蚊一件既貨

係講緊幾千甚至過萬元既貨品......logistic 竟然咁不濟

之前其實幫襯過佢地另一間公司買傢品, 果次經驗愉快, 很快已經收到貨品

但今次真係好耐

耐到係連貨都未寄出
而唔係運送途中既延誤

多番跟他們的customer services email 溝通
換來全部廢話回覆
答完等如無答

叫佢覆我幾時出貨?
佢答: 出貨就會有tracking no for u (我夠知LA, 我想知你地到底幾時出貨呀?! )
FRIDAY 問佢, 佢仲答我oh sorry, our warehouse only be open on Monday!
(OMG, only on Monday.....唔怪之得咁慢, 即係又叫我唔好追你JA ?!)

總之, 到今日已經很多天
就算平時我係美國網 買野
都已經收到

何況REEBONZ 係Singapore 公司
應該好快就會收到
結果呢?
真係who knows

Whats a very bad shopping experience with Reebonz!! Very disappointed


http://www.reebonz.com.hk/user_register/codeinvite/welcomehk?lang=zh-hant

=======================================================================

7月9日
今日我同左HK 既customer services 聯絡, 佢地話可以幫我cancel order
我都request 左cancel
佢同我講話我用PAYPAL俾錢, PAYPAL要14-28 工作日搞退款
我就打去PAYPAL問, PAYPAL答話如果間公司會退款, 佢地只需7 個工作日就可以退款
我當然同返reebonz 講LA
佢又覆返我話係佢地refund 要經好多唔同DEPT, 佢地只係refund 呢個指令都要搞14-28 個工作日!
crazy
即係叫人唔好退JA
後來佢又覆我話Warehouse 話呢個星期可以出貨
問我等唔等
之前追左咁耐都講唔到幾時出貨, 到退款先話就快出
OK, 我話等....因為應該收到貨先過等佢地搞退款!
不過let's c 係咪真係呢個WEEK 會出貨!!

BTW............發覺自己蠢左
因為岩岩先上mulberry 官網睇
我買果個袋都做緊SALE
官網既價錢連埋運費都平過reebonz!!!!
早知同官網買
應該已經收到LOR!!!!
當買個教訓
下次會格晒價先買野!

http://www.mulberry.com/#/storefront/c6888/c6889/

=================================================

7 月12 日

今日終於收到個袋
足足2個星期

終於唔洗再追佢地...=.=

==================================================

台北旅行

 

7 月2 日
今日係最後一天了

夜晚7點半機
約左司機4點半黎酒店接我地去機場
都仲有大半日時間周圍行~


所以今朝一早, 我地就去左動物園LA~~

台北市動物園
搭捷運去木柵動物園站落車就係架LA!
非常方便!

到站LA
呢幾日係台北都非常好天
今日直情超級曬呀!

古靈精怪B

擔天.......型到呢~kekekeke

我係門口揀帽時, Leanne 又揀左頂hello kitty 帽..=.=
佢明明有帶帽又買!!!
我唔想買俾佢但老公又話買LA買LA.....~.~

佢仲即買即帶...

我頂帽都係幾十蚊港幣, 好抵hehehe

動物園好大, , , , 好多野睇

我最期待睇企鵝~

鴨同鹿....呢個組合好搞笑~又好lovely

行左一陣見有火車搭, 就去左搭火車
要錢的, 5蚊台幣!! 抵!
搭火車就可以上到去睇企鵝既附近~

一落車去左睇爬蟲類動物

有冷氣, 好舒服呢~

Leanne 扮緊企鵝....HAHA so cute

睇到LA!!!
佢地好得意
個様亦好趣緻
佢地應該係群體活動...

每次都係幾隻咁一齊行同一個方向

之後周圍行下

跟住又返去火車站搭另一架巴士去貓空

我地揀左由動物園搭返去捷運站
呢條路線唔洗排隊
反而由捷運站搭去動物園站果條隊, 排長龍呢~

Leanne 好開心呀
因為有野飲ar ma ~~
佢係為食妹
有得食就開心架LA

之後我地沿住個公園行返去捷運站

呢個公園都好多設施
不過當日太曬
玩左一陣就走人LU



BYEBYE動物園

去完動物園
都散左一半

結果又去返西門町食野

因為見Leanne 件衫濕晒...終是去左uniqlo 買左件衫俾佢換
價錢同HK 一様

之後行下行下
俾我地去到一間食拉麵既地方
發覺佢同HK間豚王拉麵好似

結果入左去食
的確好似, 不過味道有少少唔同
HK比較濃同杰
豬肉質感都有D唔同

不過最後埋單問負責人
佢就話係同HK係同一間啊~

網上都有介紹
http://www.ipeen.com.tw/comment/374425

呢間拉麵都好味, 價錢平HK少少
我地3點左右去到唔洗等位~


食飽再行多陣
就返酒店攞返D行李走人LU

最後5點多去到機場
本來以為仲有時間係機場行下
結果CHECK IN過關都搞左好耐

到最後係無時間行LU

飛機亦準時起飛~

總括今次玩得好開心
每日都食同買同玩~呀囡又大個左好多, 帶住佢算幾方便
佢都玩得食得好開心~

好期待下一個旅程~

今次買既野
維格都係我地至愛既鳳梨酥~其他真係無得比~HEHEHHEHE