10週年.....

2月20日

10年前既今日
同老公一齊

今日......10年LA!!!!!!!!!!!!!!!

第一個10年

以前無聊時有諗過.....到10週年...一定要去旅行慶祝!

結果....緊係無LA.......就算去...都要帶埋呀囡...唔係當初諗好既2人旅行...


不過老公比較忙....都攞唔到假LA...........或者...10月先再去LA~


雖然係咁, , , 話晒10週年, 都要慶祝下

我地都攞左半日假

首先去一風堂食拉麵~

今日去竟然唔洗等位......仲要有好多位淨WOR
之前去親都唔少人架BOR...

我仲預左要等位, 等得黎老公差唔多到...
結果...我入左去...呆坐左45 mins...老公先黎到LOR......................~.~


食飽就去行街...不過行左一陣....已經唔多想行....haha
之後老公係都要我去睇銀包..(我知...佢點都想送份禮物俾我Ar ma..)...結果都買左... (佢開心過我.)....仲係間shop 到見到以前中學既同學....買野之餘又吹下水, 真係搞笑~


之後我地都唔想行LA, 就去左睇戲~
睇左"百星酒店"~ 幾好笑LA~
開開心心過左個幾鐘~

睇戲前去左Laduree 買左Macaroon 食~果然係名店!!!
超好味!!!! $23 一粒, 買左8粒
8粒都好好好味呀~~~~~~~~~~~
一定會再去買!!!

今日仲要唔洗排隊! (朋友話佢之前去要排長龍!)

睇完戲去返K11食飯......今次去左Steik World Meats
叫set dinner

鵝肝多士鵝肝同梨蓉一齊食好味......但個多士略咸...食得出落左幾粒鹽落去....=.=

我叫左杯玫瑰汽酒, 老公飲corona haha cheers~

餐前麵包都OK, 新鮮熱的~

main course ....10oz 肉眼........個扒都整得好味......但太大...8oz 都夠LA..
配菜一般, 無驚喜

仲有個湯, 我要左龍蝦湯.....唔好味....同老公換左佢個菜湯..
又OK WOR, 但都係好一般~

最後個甜品......蕉糖雪糕OK既.....配既朱古力蛋糕就麻麻LA

整體黎講, 環境氣氛OK

食物就好一般
埋單1500

呢個價錢, 有好多其他更好選擇 LOR~ no next time~

呢幾個cake 係早一日整.......好味~老公 i love U
Happy 10th!!!!

10年.....曾經唔易走...但走過了...便知以後要怎樣走...
我們要一起開心的走向下一個10週

白汁黑松露醬蝴蝶粉配牛油黑椒煎蝦

白汁黑松露醬蝴蝶粉配牛油黑椒煎蝦


個名好長hahahahhaa
2月16去完"迷上愛麗詩"
就返屋企快速煮左呢個蝴蝶粉做dinner

樽黑松露醬用左一整年....終於差唔多用完!!! so good!

呢個蝴蝶粉好快煮好.....

先烚蝴蝶粉.......set timer 8 mins

跟住可以煎蝦.......用牛油煎...香D....

落鹽同黑椒調味

裝起

之後就可以煮個汁

蘑菇用牛油蒜蓉炒香.....之後落水/上湯, 加D鹽
再加淡忌簾
煮一陣, 鐘意可以落白酒
我無落, 落左D cheese.....煮多陣....落埋黑松露醬

跟住蝴蝶粉都煮好, 落埋蝴蝶粉

煮到收汁就得LA~

再配埋煎好既蝦~搞掂


真係好快整好LA~

好睇又好食~

呀囡話好好味...
佢仲自己食....唔洗人餵...食左好多tim~

情人節

wahahhaa 過晒先寫返....情人節..
呢日我仲放緊假
老公就返工

無特別慶祝呀

夜晚煮飯食ja

我就係godiva 買左盒朱古力俾老公
不過佢話麻麻地

lindor 好味D WOR~

個朝早我就同小情人囡囡過~
一早同佢去公園玩....再去食lunch
之後去百佳買餸...

我最鐘意渣車車佢周圍去
反而老公坐隔離我會有D緊張....因為佢以前成日意見多多...好煩......同佢一齊渣車有壓力!!
(不過宜家好D....我都無以前咁緊張...)

同呀囡係公園玩完....行去食lunch (都係附近..)....佢竟然lur 要坐車...唔肯行.....
所以同佢返架車同攞BB車推佢去....(我肯俾佢坐.....因為總好過佢lur 我抱...肯坐車算係咁..其實佢係好眼瞓...不過坐車又瞓唔著WOR)


夜晚煮左蘿蔔炆牛肋條....瑤柱豆苗...同埋無花果雪梨湯
因為老公返到黎都好夜, 所以本來諗住同呀囡食左先
但佢竟然唔肯同我食....話要落樓下食LOR....因為有堂哥堂姐係到....
唉~~~`真係女生外向.....我之前同左佢講今晚一齊食, 佢都答我好...到真係食時又係走左去....

第時係咪都會咁架?!!!!!!!!!!!


佢唔食..我都唔食住LA........等埋老公返黎先食....

開開心心又一日~

"迷"上愛麗詩 @ 奧海城

2月16日

今朝同朋友飲完茶.....陪Leanne 去左公園玩左一陣..
返屋企接老公再一齊去食lunch

之後唔知做咩好.....諗左好耐.....
決定去奧海城行下..(幾年前曾經係奧海城附近做野.....之後都好耐無再去LU....)

亦因為之前睇 雜誌講過奧海城有個"迷"上愛麗詩既戶外迷宮.....一直都有D想去..

今日去到, 都OK LA, 唔算大, 但都有得影下相~


入口就已經見到呢隻rabbit la~

呢隻貓算有D驚喜~都幾得意~

呢間屋都好靚...好閃的~

商場內既佈置都好靚~

奧海城都幾多野行....多左好幾間賣衫既外國品牌.....又唔多人, 幾好行~
有興趣就去行下LA~
個迷宮到2月24日ja ~

新年快樂!

話咁快又一年LA!!!!

上年新年都好似過左無耐....咁快又過年~

同以往一様

初一都係去嫲嫲屋企團拜

今年陪呀嫲嫲打下麻雀, 仲食埋晚飯先走tim~~ 一班親戚聚下都好開心~

初二就返媽咪屋企食開年飯
食完飯又坐多陣.....老公就開始唔舒服...我地都返屋企LU

初三老公發燒....佢睇完醫生就返屋企
我就同呀囡同埋D親戚, 去左大棠郊野公園燒野食

都真係好耐無去過郊野公園燒野食.....係別有一番風味既.....


不過呢日呀囡其實都唔太舒服...所以佢都無咩點玩.....坐多D...辛苦佢LA...

祈祈表姐~佢就好活潑LA.....周圍走周圍玩...

欣欣表妹

自己攞住燒....不過for 影相JA~haha

玩bubbles 時先開心D

本來係諗住燒完野食再行山....不過燒完都差唔多4點...Leanne 又唔舒服又攰....我地就無join 行山LA..
返黎個程車....Leanne 因為我渣車唔係坐佢隔離狂喊...(去程已經係咁)
返黎呢程車...都無十分鐘....佢就已經邊喊邊瞓著...

之後瞓左足足3個幾鐘先醒.....仲要唔係幾想醒....係我叫醒佢沖涼佢先起身ja....~

不過今日都好開心既~~

病......

2月7日

其實尋日呀囡去左睇醫生....醫生話佢中耳炎....開左抗生素俾佢食, 要食足一星期

頭2 日佢都發高燒....燒到成40度....醫生俾左D塞patpat 藥, 燒過39.5 就要用...

4粒藥都用左3粒...

真係睇到佢都辛苦

加上佢之前感冒未清, 又有幾聲咳

so poor 呢....

之後今日....我都病埋.....本來起身都覺得唔多舒服....結果返到公司頂唔順....頭暈又發冷發熱...

落左樓下睇醫生...睇完就sick leave 返屋企
返到屋企竟然發燒....!!!! 都唔知幾耐無發過燒LU

發冷發熱下就瞓左一個下午...


好彩新年前我都好返好多.....但呀囡就仲有咳...
之後初二老公都開始唔多舒服...
初三佢都發燒...
又病埋

開始體會到, 咩叫一個人病...就全家病既情況..

新既一年, 真係要身體健康!!!!!!!!!!!!!!!!!!!

我都要好好幫呀囡調理下..


btw....呀囡咳緊...又病緊....某日....大伯佢地帶左呀囡出去行花市...之後仲帶佢去mcdonald!!!
個日我放工返黎見呀囡咳多左, 問佢今日食咩黎
呀囡話食左薯條

我真係好嬲.....明知佢病仲俾佢食薯條.....之前已經成日都係咁, 俾零食, 糖, 朱古力佢食
次次都話呀囡要食佢地都無辦法
that's why 佢一直咳又多痰都唔好!

我同奶奶講, 你地有無搞錯, 佢咳到死仲俾薯條佢食
奶奶話: 我都叫佢唔好食架LA, 佢又要食, 食左幾條ja
我 : 佢係細路就話唔識野ja, 你地大人黎架, 可以唔俾佢食. 你明知佢咳就唔應該帶佢去mcdonald 仲俾佢食薯條!

我知道我咁講奶奶唔開心
但我都要講, 真係嬲......其實唔關佢事, 係大伯問題.....仲有佢老婆, 都係一個好煩既人

奶奶之後仲同我講唔關伯娘時, 佢無份去mcdonald (因為佢地全家都知我唔鐘意伯娘)

之後奶奶仲話: 係, 我有錯..做錯左..

唉..........見到呀囡咳極唔斷尾我都真係好無奈...

佢每次好少少, 佢地班老人家就乜都俾佢食, 煎炸野凍野甜野乜都俾

我同老公講同口水乾都係咁

但唔係自己湊, 我又可以講D咩?!

"唔能夠自己湊"<----:呢個都係其中一個我唔想生多個既原因

一個已經夠激心!!!

希望大家都快D好返. 一定要身體健康

桃花

2月6日

年廿六....今日放工同老公就去左花市
買桃花....上年都有買, 今年繼續買

今年呢棵桃花比上年個棵更大更靚

不過今年天氣熱...未到新年都開了不少....到左年初一、二就開得最靚

之後就開始唔掂LA!!! 雖然靚過上年, 但無上年擺得咁耐呢~


呢張應該初一影.....開得好靚~

聽新聞又話今年年花貴左
但我買呢棵桃花都係$260. 好似平過上年WOR!~

Leanne 學校華服日

2月5日

今日係Leanne 學校華服日

今日佢地開party, 之後就開始放假LU~~

呢件衫都著左3年....仍然有D大.....

我真係買大左好多~HAHAHHAHAHAHAA

綠茶紅豆蛋糕

綠茶紅豆蛋糕

呢個蛋糕易整又好味
我自己好鐘意
因為個蛋糕好輕身好鬆軟
唔太甜
我就覺得唔錯, 但老公佢就唔like 佢話唔夠甜. 又話綠茶同紅豆既味分開左...................

但我會再整, 因為i like it  ~ hehe

食譜

綠茶紅豆戚風 (我無戚風模.....用普通6吋模ja)

 

[材料]

蛋黃麵糊： 蛋黃3顆， 砂糖10g ，菜油20g ，低筋粉45g，綠茶粉5g，鮮奶30g

蛋白霜： 蛋白3顆，砂糖25g

紅豆半碗

[做法]

1.蛋黃加1/3糖打勻，餘下的糖分兩次加入，打拂至呈淡黃色。

2.將菜油加入蛋糊中拌勻，再加入鮮奶拌勻。

3.將低筋粉混合綠茶粉，一次過篩入蛋糊中，用膠刮刀拌至沒有粉粒為止。

4.蛋白先用快速打發至起泡，砂糖分3次加入，打發至企身。

5.將1/3蛋白霜加入蛋糊中拌勻，將餘下之的蛋白霜中拌勻。

6.加入紅豆拌勻。

7.預熱焗爐10分鐘，將粉糊倒入模內，在枱上輕敲兩下，以180度焗30分鐘。

8.出爐後立即倒扣放涼，至完全涼透，用小刀脫模。

見家長...剪頭髮...錦田鄉村俱樂部

 

2月2 日
今日係Leanne 學校家長日
約左9點3

早餐都未食就見左家長先

老師話Leanne 有進步, 尤其分享呢方面
(因為之前佢好唔鐘意同人分享...試過帶返學校既野食, 老師分左俾其他小朋友食, 佢唔開心左好耐, 學都唔想返..)
其他方面都唔錯, 尤其社交....老師話佢同其他幾個女同學好frds.....成日一齊有講有笑...
知佢返學返得開心,我都好開心

之後我地就去食早餐...然後Leanne 同老公都要剪頭髮..

Leanne 剪完, 老公未得..咁我就同佢去公園玩住等老公






老公都剪完...我地就出發去錦田鄉村俱樂部

主要想去摘士多啤梨~

其實錦田鄉村俱樂部都算近我地住既地方, 但反而到今日先第一次去ja~

地方都算大....有草地, 有動物, 有地方BBQ
又有得摘士多啤梨....
天氣好, 去草地走走玩玩, 都唔錯

當日亦有小學旅行同一些旅行團呢, 非常多人

 

之後玩呢架....但.....玩玩下, 其他小朋友夠鐘....得返佢一個...佢就唔肯玩LA
呢個係$30 / 10 mins...

落車推都唔肯坐/...

好彩個到呀姐好人....見佢唔玩呢個, 就送我地玩多次動物車
咁我地又玩左一圈..

之後就摘士多啤梨LA~
有2種...korea $90 lb, France $60 LB

我地揀左korea

一開始, 我諗住俾Leanne 試下自己剪....點知....第一粒...佢就剪左到我隻手指......~.~...剪到我流晒血.........
佢都呆左....
算LA...係我高估左...好彩唔係剪到佢自己..

岩岩好摘左1 lb

之後去左草地玩....有sir 滑梯呢~

仲有人放風爭~~我都好想放呢~~~~~~~~~~

買左個波玩...

本來諗住返屋企先食士多啤梨....結果係個到食埋lunch, 咁就洗埋士多啤梨食LA~

玩左2個鐘左右, 就走LU