大閘蟹宴~

10月20日

今晚約左一班舊同學食大閘蟹

但今日下午要返公司, 有event

咁朝早就食完早餐, 同呀囡去左荃灣公園玩

玩完去荃灣廣場食lunch~

之後我就要返工LU~



放工後, 大約7點幾去到屯門.....約埋個frd 一齊搭的士去

個的士司機好燥底LOR
我地一上車
我話XX花園.....見佢唔出聲, 我咪話XX花園隔離呀

司機: 我知, 唔洗你教我

司機: 個邊塞車, 我會行到2邊再轉過去, 係燈位俾你落
呢個時候我同我個frd 都扣緊安全帶...

我問司機邊個燈位呀?

司機竟然開門LOR!!!!!! 想趕我地落車咁, 佢話你唔想行個到就落車LA

WA! 咩態度!

之後我問司機, 做咩塞車? 佢無答過我

真係洗唔洗咁寸


去到my frd 屋企....

見到佢個lovely 仔仔~~~~大春B
1歲LA~~~ 大春真係好cute.....表情多多, 又鐘意笑~~~仲邊個抱都得~~~

之後人齊就食野LA~
我地除左大閘蟹, 仲見左泰國野食外賣~

yummy~~~ 但D大閘蟹.....本來個Frd 話訂左5兩至5兩半既....
點知黎到先話個D係訂俾佢屋企人食

幫我地訂呢D係團購買....4兩多D...

一人2隻.....可能太細隻....加上外賣份量比較細

我地食完好似無食過咁ARRR

唔夠喉~~~~一定會再食多次大閘蟹!!!!

之後朋友仲煲埋薑茶湯丸~

我地再傾下偈......都11點幾先走~~~~~

傾得好開心呢~~

Melvita

呢排好多skin care都用完....所以買左唔少新野試

今次試下Melivta

呢個都係一個sell organic 同天然產品既brand

佢產品既種類非常多!真係咩都有....skin care...沖涼, 洗頭....Gel...女性用既清潔LA, soap, 豐胸LA...仲有俾小朋友或者孕婦用既products....

本來只係諗住去買枝洗面gel....
結果買埋枝花水....同hair conditioner..

蜂蜜潔面啫喱 (中間)    

適合中性至混合性肌膚使用，可淨化及收緊肌膚。

馬鞭草及香蜂草的花水，橘子精華、鈣及錳結合具軟化功能的蜂蜜，有效潔淨及去除肌膚多餘的油脂分泌。

呢枝洗面好香......好香橙味.. 甜到好似糖咁
我都係用黎落妝後, 同每朝早洗面用
so far so good
洗完唔乾

有機金縷梅花水(左邊)

透過蒸餾法萃取自有機金縷梅葉，有機金縷梅花水具淨化、緊膚及收細毛孔的效用。

可用作清潔面部，有效消除敏感及紅腫，對非常乾燥及敏感肌膚，尤其有效。

陣味我覺得似金銀花.........都好吸收.....不過暫時未見緊膚同收毛孔LOR~

深層滋潤護髮素(右邊)    

 蘊含豐富的木槿，結合具柔順功效的巴卡斯果、辣木及巴西果仁，但我能呵護乾燥及受損秀髮及使秀髮回復柔順。

之前用緊L'occitane既洗頭水+護髮素....(唔覺好用又唔覺差....但佢陣味我就幾鐘意~)
護髮用完....所以試下呢隻....sales 話深層護理.....
well.........呢類organic 洗頭水同護髮素.........都係用完唔會好滑咁...能唔能夠真係修補受損頭髮...真係唔知LA~或者我D頭髮真係太差LA
要做下treatment 先會有改善

skin ceuticals

之前係salalala beauty 買左呢set skin ceuticals既產品..

serum + cream
retexturing activator 同埋emollience

本來係想買B5 gel
sales 話B5 比較爽身......秋冬未必夠
佢suggested 我用呢枝

呢set 都只係480

emollience 當cream用, 有60ml .....枝serum 就有10ml
都幾抵...

so far 用左2個星期左右...

感覺OK LA
又唔會話好好咁

但又not bad

用晒都會轉其他

LC Oval 煮咖哩雞

其實LC 個Oval 煲, 都已經用過好幾次~

佢煮野的確只需用細火, 同埋一陣就可以張D野煮到好淋......仲有....只要落好少水...鎖水能力好好~好有趣~

但開頭唔知原來要搽油保養個煲.......個煲已經有D積比較難清潔.....

宜家先開始搽返油, 唔知得唔得呢?!


第一次用時, 煮左咖哩雞.....(其實我戒左雞一段時間, 因為醫生叫我最好唔好食, 多激素!! 所以我都幾乎無食. 只係間唔中食少少LA~)


利川牌咖哩醬加半隻雞, 洋蒽同薯仔~

D薯仔同洋蒽淋得好入味~我反而鐘意食佢地多過隻雞~HAHAHAHA


第一次用, 唔知佢鎖水能力咁好....下次落少一半水都得~

另一日煮左茄子~好耐無食~煮俾自己食~因為老公唔鐘意食~~~~

好簡單, 茄子切好落埋D蒜蓉....就攞去蒸....蒸好我煮左個豉油+糖既汁, 淋面加葱花~就係咁簡單~但我就好鐘意~

黑豚豬腸

同事住大埔
佢話有間叫梁九記既賣凍肉好出名, D野又平又靚

呢隻黑豚豬腸佢介紹我買, $25 蚊有廿幾條, 抵食過芝士腸
(前幾日叫佢再幫我買, 宜家$20一包JA~)
味道都好OK
就咁煎熟都好好味

之前我用黎煮冬瓜, 都OK

淋晒既冬瓜真係好正, 入晒味~i like it~

宜家夜晚都會煮飯.......因為老公夜左收工.....無得一齊食埋先返屋企~
不過都好既, 食少D街外野~
買左個蒸餸用既2層架.......好方便....可以蒸飯同時蒸餸......2個人4/5 mud 米就岩岩好, 咁少米, 蒸好過用飯煲
蒸又快, 20-25分鐘就OK

另一晚煮左蒸肉餅

如果每日都買定同預備定聽晚既餸
咁第2晚返去再煮就可以好快

不過我好多時都唔記得買定............所以都好多時係個晚先買餸....就會比較趕....
如果Leanne 痴身, 就煮唔到....咁個晚就一係叫老公買外賣, 一係煮麵食LU~

老公生日

 

上星期四, 10月11日 係老公生日

我地都要返工. 無特別慶祝
只係朝早同囡囡一齊食左蛋糕先

夜晚我就同佢去食飯~

呀囡起左身一陣...見到蛋糕好興奮
仲唱左中英文版既生日歌俾daddy tim~

加埋birthday kiss~

一家3口~

終於有得食LA~ 朱古力蛋糕~都幾好味~係paul lafayet 買...

夜晚去左尖沙咀間伊呂波食燒肉~~~正!

和牛牛舌~好味!

生啤同荔枝酒~

雜菇~ 燒菇真係好好味!!!!!!!! 好想encore WAHAHAHAHA~

呢個係厚切胸外膜....上openrice D人話好好食....但我覺得一般....

特盛拼盤?! 全部都好味~

黑豚豬.....可以唔叫....

不過食燒肉真係好肥好油好膩....不能多吃......我地另外仲叫左2碗白飯, 配肉食好味又無咁油......開心愉快的一餐~


等老公時我係街邊食左2串辣魚蛋~~~真係好正~
耐無食, 所以忍唔住食2串HAHAHHAHA

仲有,,,,,,去左cotton on ............尖沙咀呢間好大.....有3層!!! 仲有童裝啊!!!!
買左件衫同scarf and underwear 俾Leanne~




最後........我仲同老公講今年無禮物送俾佢....
點知佢話, 有呀, 你之前咪送左銀包俾我LOR........!!! 係WOR!!! 我都唔記得左之前送左銀包俾佢~HAHAHAHA
因為好似8 月時送....太耐我都唔記得左TIM~HAHAHA

買銀包時仲有刻名服務....N& F, 我地既姓氏~

Happy Birthday to 老公!!!! 升職加薪~身體健康!!!開開心心~

荃灣公園

 

10月7日 

又係元朗食早餐....之後去左荃灣公園玩

泊架車去錦上路, 再搭一個站去荃灣, 真係好方便

之前去過幾次荃灣公園, 都唔知原來另一邊, 仲有個公園, 設施仲多D TIM~

今日過埋去玩, 好多小朋友, 都幾好玩. 但就真係周圍都係大陸人



之前Leanne 都未識玩呢個, 當日教左佢一次, 佢已經可以自己行晒....好叻!

呢個架都係, 教完佢, 佢都可以自己行.....
呢邊比較曬, 10點左右已經曬到D滑梯都好熱了....

走時先知仲有另一邊公園可以玩....咁就玩多陣LA, 呢邊仲無咁曬~

熱到佢要除衫.....HAHAH 好MAN咁AR

大隻佬!!!! wahahahahha




玩完就去左荃灣廣場行下


係jusco 買左吹泡泡玩具....


然後去左pokka cafe 食lunch~

佢食緊餐包.....脷緊D....牛油............=.=

之後就走LA~ 返去錦上路時, Leanne 話要玩吹泡泡...

咁就開黎玩LA~


好用力咁WOR~

hahah 呢張好爆笑~~~~



玩完係市集買左D洛神花返屋企煲~

味道都OK WOR, 酸酸地~

咁又過左一日LU~

Leanne 返學...又扭計

之前講到佢上星期扭計扭左成個禮拜...到星期五終於正常返

果然, 過左個weekend,,,,,,,佢又黎過

星期一又係唔肯換校服,......奶奶佢地打黎, 我都聽到Leanne 又喊又叫
不過最後佢地都帶左佢出去搭車

星期二又係咁
今日我幫佢換校服...........佢又係不停喊同話唔返學, 唔肯換衫....我夾硬同佢換....
其實我都好想知佢咩事咁様.....問佢又唔講......
又不停叫我唔好返工, 陪佢, 送佢返學之類....唔通真係唔捨得我?!

跟住氹左好耐佢先定返D.....

呢日都有返到學......放學返到屋企, 佢仲打俾我, 話佢返到屋企LA, 無喊LA, 好似好開心

星期三, 今日
我話幫佢換衫, 佢又係唔肯...但就無喊....後來佢堂家姐落黎....攞住個蛋糕....Leanne 又想食
我就叫佢要換左校服先可以食, , , 氹氹下佢又肯換校服....今日叫做順利....

之後佢落左去食蛋糕...但又好快返黎.........又想痴住我, 又叫我唔好返工, 送佢返學....

之後又糾纏, 又叫我幫佢著鞋....

到我真係要走, 又開始喊, 叫我抱佢......我抱住佢, 佢係好似瞓覺咁扒落黎....真係好嗲咁......
奶奶就話Leanne 鐘意嗲媽咪.......女仔都係嗲D?!

之後又唔俾我走咁, 我叫佢送我去搭車LA~

出到去未有車, 同佢玩一輪, 佢又好D


不過我走左之後, Leanne 又打黎叫我返黎.....我話媽咪放工就返黎架LA, 叫佢快D返學LA

佢又無喊, 今日應該OK既~


其實我諗, 我自己湊佢, 佢情緒應該會穏定D既....
但我又唔可以唔做野WOR~~(我都唔多想做全職媽咪...HAHA)

UM, 除非發左達LA, 咁我可能唔做呢份工, 做其他野....咁就可以自己湊佢JA......唔係都無辦法....

唯有多D疏導下佢情緒 LA...

我諗呢個時間好快過既.......god bless...

牛奶農場

上星期日

忽然想去之前已經好想去既牛奶農場行下~

即時上網search 佢既確實位置. 原來都好易去....同埋有地方泊車....咁就起行LA~


如果唔渣車, 可以係元朗搭去雷公田既小巴, 去到總站落車再行上去, 應該行10-15 mins la


牛奶農場有出牛奶, 但好似話得city super 有得賣, 仲有邊到有我就唔知LA

其實佢個位置係0係行山路徑隔離, 所以好多行山人仕去到都會食D野咁

如果係以前, 我諗我會同老公, 由大棠行山行過去個到再食野~

但宜家, 就無呢D節目LU~~~~~~~~~~好懷念以前成日weekend 去行山既日子~好開心既呢~


去到了~~~仲撞到小學同學tim ar~~~佢早結婚生B, 佢個女已經8/9 歲LA!!!! 佢當日同埋老公, 囡囡一齊..

我初時都見唔到佢, 佢都係認得我個女, 先見到我JA~



我地叫左燉奶, 凍既, 燒賣, 同2個餐蛋麵

燉奶我覺得好好味呀~~~~~~

奶味好重, i like it



餐蛋麵都好OK 呀, 餐肉係厚切同埋煎到外脆內軟架!!! 仲有隻蛋, 燶邊!!!! 超正~~~~~~~~



老公唔鐘意飲奶~我同Leanne 一齊飲一盒奶~~~奶味濃郁~

食飽又周圍行下影下相

佢呢到有幾隻羊架....黑色同白色....但唔見有牛架WOR...






呢張相好靚啊~~~我整緊本相集.....用左呢張做封面呢~~~~









之後去左附近既效野公園行下...

Leanne 最鐘意行呢D.......佢覺得好好玩





來來回回行左幾次....

之後都開始曬同熱~我地又返屋企LU